Aksident në Lezhë, automjeti i pastrimit humb kontrollin dhe përmbyset në rrugë, plagoset shoferi

3 Shkurt 2025, 10:23 | Përditesimi: 3 Shkurt 2025, 10:23

Një aksident ka ndodhur ditën e sotme (3 shkurt), ku një kamion i pastrimit të qytetit të Laçit, humbi kontrollin dhe u përmbys në superstradën Lezhë-Shkodër, pranë fshatit Mabë.

Nga aksidenti mbeti i plagosur drejtuesi i mjetit të tonazhit të rëndë, i cili u dërgua me urgjence për ndihmë mjekësore në Spitalin e Lezhës, ku fatmirësisht ndodhet nën kujdesin e bluzave të bardha jashtë rrezikut për jetën.

Sipas të dhënave të policisë e cila mbërriti menjëherë në vendin e ngjarjes kamioni ishte i mbushur me mbeturina dhe po shkonte në landfillin e Bushatit, ndërsa nga aksidenti u krijua trafik i rënduar në dy anët e superstradës.

r.k./Shqiptarja.com