Aksidenti tragjik në aksin Lezhë-Shkodër, ndërron jetë te Trauma infermierja

7 Maj, 21:08 | Përditesimi i fundit: 2021-05-07 22:07:45

LEZHË- Është rënduar bilanci i aksidentit të ndodhur paraditen e sotme në aksin Lezhë-Shkodër, ku ka ndërruar jetë në spital Marjeta Gjergji, që mbeti e plagosur rëndë nga përplasja. Marjeta Gjergji, me profesion infermiere, u dërgua në spitalin e Traumës pas aksidentit, por fatkeqësisht nuk mundi t’i mbijetonte plagëve të marra. Po ashtu të plagosur kanë mbetur edhe bashkëshorti i saj, i cili ndodhet në gjendje të rëndë, djali i tyre i mitur dhe vjehrra e viktimës, këta të fundit jashtë rrezikut për jetën.

Aksidenti u regjistrua rreth orës 12:00 të paradites së sotme, në vendin e quajtur kryqëzimi i Kakarriqit, ku automjeti i drejtuar nga bashkëshorti i Marjeta Gjergjit me një automjet tjetër, ku paraprakisht shkak dyshohet të ketë qenë një parakalim i gabuar. Fatmirësisht, personat që ndodheshin në automjetin tjetër nuk kanë marrë lëndime serioze.Ndërkohë një 15-vjeçar mbeti i plagosur sot po në Lezhë, si pasojë e një tjetër aksidenti të ndodhur rreth orës 10 të paradites së sotme. Aksidenti u regjistrua në aksin Lezhë-Laç, në afërsi të kryqëzimit të Rrilës, ku një automjet tip "Volsvagen" përplasi të miturin i cili po kalonte rrugën. Ai u dërguar për ndihmë mjekësore në spitalin rajonal të Lezhës, ndërsa policia shoqëroi në komisariat drejtuesin e mjetit që shkaktoi aksidentin, shtetasin me iniciale Ç.M 56-vjeç banues në Lezhë.

Programe të tjera

    Nuk u gjeten video për këtë program!

Shiko të gjitha

    Nuk u gjeten video për këtë program!

Shiko të gjitha