Në një kohë kur shumë vende në Europë po përballen me një valë të katërt të COVID dhe po shtojnë masat kundër COVID, kreu i Urgjencës Skënder Brataj thotë se në vendin tonë nuk do të shkohet në masa ekstreme, siç është mbyllja totale e vendit. I ftuar në Report Tv, mjeku Brataj tha se 'green pass', mund të shikohet si masë, apo edhe futja e vaksinës së COVID në listën e vaksinave me detyrim, por sipas tij vendi ynë nuk ka pse të shkojë në masa ekstreme. Brataj tha se e vetmja armë që kemi tani është vaksinimi, ndërkohë që u shpreh i sigurt se ky është dimri i fundit që flasim për masa kundër COVID.