Personazhi i radhës në “Një nga ne” është Bujar Muçaj me profesion rrobaqepës. Ishte vetëm 12 vjeç kur mësoi të qepte për herë të parë. Sot vazhdon të punojë, edhe pse ka dalë në pension. Ndihmesë të madhe ka bashkëshorten e cila e ndihmon të mbyllë porositë në kohë. Edhe pse dyqanet e veshjeve janë të pafundme, ai pohon se puna vijon me të njëjtat ritme si dikur ndërsa së fundmi ka bashkëpunuar edhe me klientelë Vip. Pasi konsumon kafen e mëngjesit, pjesën tjetër të ditës e kalon në rrobaqepësi. Merret me riparime, qep kostume, fustane, këmisha, çdo gjë në varësi të kërkesave. Përkushtimi, pasioni dhe kujdesi është si në ditën e parë. Zhurma e makinës qepëse i është kthyer në melodinë e ditës.