#Anila Cela #Esencë #reporttv Ne nuk e zgjedhim kohen ne te cilen do te lindim e jetojme, por ne mund te zgjedhim te jemi nje histori e bukur per tu rrefyer... Sepse ne fund, secili prej nesh eshte nje histori. Sot në “Esencë” në një bisëdë me regjisoren Donika Mustafaj. Mes kujtimesh dhe emocionesh nga fëmijëria tek jeta e saj sot,ajo na rrëfen pak më shumë për anë të njohura e të panjohura. Fëmijëria e saj nuk ka qenë fort e lehtë,si pjesë e një familjeje me shtatë fëmijë. Ka nisur të punojë që 15-vjeç dhe këtë ajo e kujton si një moment që në jetën e saj të mëvonshme i ka shërbyer për lirinë dhe pavarësinë e vetes. Ka trashëguar shumë tipare të ngjashme nga e ëma ,që janë kthyer në udhërrëfyes edhe të jetës së saj si partnere, si nënë, si grua. Sakrifica dhe përkushtimi janë dy tipatë që ajo thotë se e kanë shoqëruar në mënyrën sesi i dedikohet familjes. Ka një mardhënie frymëzuese me të shoqin,Besnik Mustafaj,për të cilin thotë se ka bërë dhe bën gjithçka. Jetesa disa vite jashtë Shqipërisë,në Paris ishte një shndërrim për jetën e familjes së saj,veçanërisht ndikimin që pati tek mendësia dhe zhvillimi i fëmijëve të saj. Një jetë e lidhur fort edhe me një prej pasioneve dhe angazhimeve të saj tashmë të vazhdueshme,filmin dokumentar. Ajo rrëfen se e gjitha,dikur nisi si një eksperiment për tu bërë më pas fokusi i saj kryesor.