Gazetarja Xhensila Nako sjell ditën e një fermeri i cili është bërë i famshëm në rrjetet sociale, pasi promovon dhe shet prodhimet e tij online. Këtë sezon vjeshte ka mbjellë në tokën e tij lakrën, brokolin, lulelakrën dhe një varietet të veçantë siç është romaneska. Nga ana tjetër, qepët e Drishtit janë kultura që fermerët e zonës e ruajnë prej 300 vitesh. Kujtimi e ka magazinuar dhe ka nisur tregtimin e saj. Ditën e përmbyll me bukuritë e Kanionit të Kirit, një destinacion që duhet vizituar nga turistë të huaj dhe vendas. Në Rubrikën Speciale do të njiheni me historinë e veçantë të një piktori pogradecar. Artan Kaja ka mundur të gjejë veten në ngjyrat e natyrës. Me dashurinë për peizazhin, ai ka arritur të mposhtë edhe varësinë ndaj substancave të dëmshme.