Gruaja ishte thjeshtë propagandë apo zhvillim? Ishte njësi riprodhimi apo krahë pune? Biseda merr shkas nga një album fotografik i botuar në vitin 1972 me porosi nga Këshilli i Përgjithshëm i Bashkimit të Grave të Shqipërisë me titullin “Poemë për gratë Shqiptare”. Ky botim me foto në anglisht i është dedikuar gruas shqiptare në të gjitha frontet e jetës në Shqipërinë e para viteve 90të, me pak fjalë kudo ku ajo ndodhej dhe jetonte. Redaktimi fotografik i këtij albumi është kryer nga Petrit Kumi dhe me parathënie nga Helena Kadare. Komenti i fotografive po në anglisht u shkrua nga Llazar Siliqi. Socilogu dhe studiuesi Ergys Mërtiri hodhi dyshime mbi rolin e shtypur dhe në shërbim të propagandës së gruas shqiptare në shoqërinë moniste të kohës. Artisti dhe piktori Artan Shabani tregoi si shfaqet gruaja shqiptare në artin pamor të realizmit socialist shqiptar. Sevim Arbana, aktiviste e gruas dhe të drejtave të njeriut, tregon për herë të parë në media, abortin që ajo kreu në moshën 38-39 vjecare në Tiranë dhe hallet e grave në ato vite. Jetë për të cilën ajo nuk ka aspak nostalgji e që nuk do të donte kurrë të kthehej. Për këto dhe të tjera, Esencë nga Eljan Tanini në Report Tv, të marten dhe të premten ora 23:00.