Në studion e "Rreze Dielli" me një nga talentet më premtuese të modës shqiptare. Vetëm 18 vjeç, Erba Lulellari ka arritur të ndërtojë një profil mbresëlënës në një industri tepër konkurruese, duke e nisur rrugëtimin e saj që në moshën 14-vjeçare. Me pasion, përkushtim dhe një vizion të qartë për të ardhmen, ajo ka bërë që krijimet e saj të kalojnë kufijtë e Shqipërisë dhe të publikohen në revista prestigjioze ndërkombëtare si Photobook Magazine në SHBA, duke u renditur mes emrave të rinj që po tërheqin vëmendjen në botën e modës. Një tjetër sukses i rëndësishëm ka qenë publikimi në 4-Season Magazine, një eksperiencë që e ka ndihmuar të konsolidojë më tej identitetin e saj krijues. Sot, Erba synon të ndërtojë markën e saj globale dhe një atelie të vetën, duke përfaqësuar denjësisht Shqipërinë në industrinë ndërkombëtare të modës. Në këtë bisedë do të flasim për rrugëtimin e saj, sfidat dhe sukseset, ëndrrat për të ardhmen, por edhe për trendet që do të dominojnë verën e këtij viti.