Ai vjen nga një familje ku ndër breza ja kanë kushtuar jetën muzikës. Ramazan Gurra është restaurues dhe akordues instrumentesh muzikore pranë Universitetit të Arteve. Aty në dhomën e vogël ku fshihet një pasuri e madhe muzikore, në atë laborator ku për më shumë se 50 vite kanë kaluar në duart e tij me qindra instrumenta muzikorë. Në Esencë Gurra rrëfeu një pjesë të historisë familjare si edhe të jetës së tij profesionale dhe familjare. Me krenari tregon talentin e pakrahasueshem të të atit, Muharrem Gurra muzikanti i oborrit të mbretit Zog e qindra këngë e krijime të trashëguara prej tij.