Prej vitesh, me zërin dhe interpretimin e saj plot ndjenjë, ajo ka sjellë këngë që i kanë kënduar dashurisë, jetës dhe qytetit të Korçës, duke mbetur një nga figurat më të dashura të muzikës qytetare korçare. E ftuar në studion e “Rreze Dielli”, këngëtarja e mirënjohur korçare Ermira Kola rrëfen emocionet, kujtimet dhe rrugëtimin e saj artistik ndër vite. Në këtë bisedë të veçantë, ajo ndalet tek muzika, videoklipi më i ri kushtuar Korçës, por edhe tek familja, frymëzimet dhe momentet që kanë lënë gjurmë në jetën e saj. Me shumë sinqeritet dhe emocion, Ermira tregon se si ka ndryshuar muzika ndër vite dhe si ka arritur të ruajë identitetin e saj artistik mes sfidave dhe kohëve të reja. Ajo ndan me publikun edhe disa kujtime të veçanta nga fillimet e karrierës, emocionet e skenës dhe lidhjen e fortë që vazhdon të ketë me qytetin e Korçës. Përmes kësaj interviste, publiku do të njohë jo vetëm artisten, por edhe gruan dhe njeriun pas skenës, me gjithë ndjeshmërinë dhe dashurinë që e karakterizon.