Theodhor Peci është baba i dy fëmijëve. Përpos angazhimeve familjare, pjesën më të madhe të kohës ia zë mësimdhënia dhe studimi i muzikës bizantine. Interesi për këtë zhaner muzikor lindi natyrshëm pas përfundimit të liceut në Korçë. Kishte kuriozitetin të mësonte më shumë rreth kësaj fushe, të palëvruar asokohe në vendin tonë. Vitet e fundit janë bërë përpjekje të mëdha për të krijuar një traditë psaltike shqipfolëse.Theodhori ka dhënë një kontribut të jashtëzakonshëm në këtë drejtim. Vepra e tij më e rëndësishme muzikore është përshtatja dhe kompozimi i parë i plotë në shqip i librit “Anastasimatari” dhe krahas tij 2 botimet e “Liturgjisë Hyjnore”.
