Është zhvilluar në Korçë etapa e parë e garës në çiklizëm për kupën e Shqipërisë, ku janë shpallur tre fitues, ndërsa këtë të martë zhvillohen dhe dy etapat e tjera përmbyllëse. Ka përfunduar etapa e parë e kampionatit të Çiklizmit në Korçë, ku fitues është shpallur Servet Kastrati i Vllaznisë për Kadet, Brikel Barci i Studentit për Junior dhe Olsian Velia për Elitë. Kadetët e kanë nisur garën në fshatin Piskupat, me një distancë prej 54.6km ndërsa Junior dhe Elita nga Prrenjasi me një distancë prej 69.2km. Të dy etapat finishin e kanë pasur në Korcë. Gara e kadetëve ka qënë më e bukur, ka pasur më shumë rivalitet deri në ngjitje të Qafë Pllocës. E bukur dhe me rivalitet ka qene dhe gara e Junior e Elitës, garë e cila ka vijuar të jetë e tillë deri në ngjitje të Grabovicës. Pikërisht këtu ciklisti i njohur tiranas Olsian Velia ka rritur shpejtësinë duke stakuar të gjithë ciklistët e tjerë për të hyrë i vetëm në Korcë si fitues i kësaj etape. Për presidentin e Federatës Shqiptare të Çiklizmit Skënder Anxhaku ky sport ka nevojë për mbështetje ndryshe do ta ketë të vështirë mbijetesën. sinkron Skënder Anxhaku President i Feseratës Shqiptare të Ciklizmit Sot do të mbahen dy etapat e tjera të Kupës së Shqipërisë.