Shqipëria, ashtu si dhe bota, po përballet me një armik të padukshëm, të paftuar që erdhi dhe në derën e vendit tonë. Në faturën dhe buxhetin e dhënë nga shteti për përballimin e situatës të krijuar nga Covid 19 prej 120 milionë dollarësh, ministri Arben Ahmetaj tha se janë prekur edhe 5 koncesione, ajo e Check up-it, koncesionet  e mbetjeve, koncesionet e dy rrugëve Milot-Balldre dhe Orikum-Dukat si dhe koncesioni i laboratorit. Në një lidhje live në emisionin '5 pyetje nga Babaramo' në Report Tv, Ahmetaj tha se këto koncesione janë prekur aktualisht, por shpreson shumë që vendi të mos shkojë tek plani B.