Kupa e Shqipërisë/ Partizani më pranë finales, pret në Tiranë kampionët! Dinamo dhe Vllaznia garë të hapur

22 Prill, 15:30 | Përditesimi: 22 Prill, 15:30

Kupa e Shqipërisë do zhvillojë të mërkurën e 23 prillit dy ndeshjet e kthimit gjysmëfinale. Me fillim nga ora 19:00 në Elbasan dhe Tiranë skuadrat do diskutojnë përballjet që vlejnë një vend në finale.

Në "Elbasan Arena" Dinamo pret Vllazninë, teksa ndeshja e parë mes tyre në Shkodër është mbyllur me rrjeta të paprekura, 0-0. Nga ana tjetër Partizani luan në shtëpi kundër kampionëve në fuqi të turneut, Egnatias. "Demat e Kuq" e fituan 0-1 ndeshjen e parë në Rrogozhinë dhe futen në fushë me një avantazh, paçka se minimal.

r.k./Shqiptarja.com