TIRANE- Deputeti i opozitës së Myslim Murrizi ka folur për një pakt të fshehtë Rama-Basha në studion e emisionit 45 Minuta me gazetarin Denis Minga, nisur nga retorikat e përdorura prej tyre një ditë më parë lidhur me Reformën Zgjedhore. Murrizi tha se kreu i qeverisë Edi Rama dhe kryedemokrati Lulzim Basha janë bërë bashkë, pasi nuk duan listat të hapura në Reformën Zgjedhore. Ai tha zbuloi se në një mbledhje të bërë ditën e sotme 7 deputetë të opozitës së re kanë vendosur se nuk do të votojnë asnjë reformë që nuk prek sistemin zgjedhor, i cili sipas tij është kthyer në një sistem bolshevik të dy emigrantëve që e duan karrigen për të vjedhur.
"Ata të dy janë njëlloj. Nuk duan t'i lejojnë qytetarët shqiptarë që të marrin pjesë në zgjedhje. I shohin vetëm si votues. Nuk do të votohet asnjë arnim tjetër pa u prekur thelbi i pazareve të votës. Shqiptarët votojnë klloun, servilë që nuk kanë asnjë lidhje. Kjo nuk është pakënaqësi e opozitës së re por e të gjithë shqiptarëve. Sot kemi bërë një mbledhje 7 deputetë të opozitës, nuk votojmë asnjë reformë që nuk prek sistemin zgjedhor. Vetëm sistem bolshevik të dy emigrantëve që e duan karrigen për të vjedhur, nuk votojmë. Komisioni mund të shkojë me një draft të njëanshëm në seancë. Duhet një konsesus brenda këtij komisioni prandaj ka dy bashkëkryetarë", tha Murrizi.
Murrizi tha se aleatët kanë zgjedhur të heshtin lidhur me kërkesën për lista të hapura, pasi sipas tij janë kërcënuar ose korruptuar nga kryedemokrati Lulzim Basha, i cili sipas tij i ka ofruar në këmbim ndonjë posti.
"Nëse Rama merr ndihëm e Bashës , kanë mundësi të joshin si ka joshur Basha aletatët, nëse funksionon modeli i blerjes me klering duke premtuar vende, ose para cash, le të plasin këto lloj pisllëku. Le t'i blejnë, le t'i marrin. Është shumë e mundur. Dështimi do të jetë i këtyre dy bilbilave dhe kllouneve që kanë këto bilbila mbrapa. Shenjat që shqiptarët të shohin fytyrat e vërteta të politikanëve do të shfaqen para përfundimit të gjendjes së jashtëzakonshme. Nuk kënaqem që këta të shkojë në burg sepse këta kanë kosto të madhe po të shkojnë në burg, këta duhen dënuar nga gjashtë muaj të korrin jonxh, ose t'i lësh pa Facebook. Dëgjova disa aleatë që thoshin se po të bëhet zgjedhjet në qershor, jemi dakord të jetë ky sistem. Nuk e di nga çfarë nisen, ndoshta nga temperaturat. Ai ndoshta i kërcënon, ose i ka premtuar ndonjë vend. Zgjedhjet do të jenë në 2021. E ka thënë, ashtu si kam thënë se do të bëhen zgjedhjet lokale dhe ashtu si kam thënë se do dorëzohen të gjitha bashkitë, ashtu si i dorëzuan si qingja. Bashkëveprimi mes mazhorancës dhe opozitës parlamentare po humbet sepse Rama dhe Basha nuk duan të humbasin monopolin e shtetit ", deklaroi Murrizi.