Kanë kaluar 2500 vjet që nga koha e ndërtimit, e megjithatë vitet nuk kanë mjaftuar për të zbuluar misterin se kujt perëndie i kushtohej tempulli antik i Shtyllasit në Fier, me vendodhje 1 km larg nga porta jugore e qytetit antik të Apolonisë. Arkeologë shqiptarë e gjermanë janë vënë në kërkim të historisë së tij. Shqetësimi më i madh për arkeologun Bashkim Lahi është se zbulimet mijra vjeçare nuk bëhen të vizitueshme për të apasionuarit pas historisë së lashtë.