Këto janë momentet kur Policia e Shtetit mësyn drejt fshatit Qerekë, në Njësinë Nikël të Fushë-Krujës.
Më herët uniformat blu e kishin nisur operacionin e drejtuar nga SPAK dhe autoritetet spanjolle në zonën e “Kodrës së Diellit” në Tiranë.
Por më tej grupi i dytë është drejtuar drejt bazës së dyshuar në zonën e Niklës. Me sirena dhe forca të shtuara, efektivët e Policisë dhe Operacionales po zhvillojnë kontrolle, sekuestrime dhe arrestime. Informacionet janë të rezervuara, edhe për shkak të sekretit hetimor dhe aksionit në proces dhe sipër.
