Jemi në periudhën e vitit kur temperaturat e larta po bëhen gjithnjë e më të pranishme dhe organizmi ynë përballet me sfida të shtuara. Zemra, si një nga organet më të rëndësishme të trupit, është ndër të parat që ndjen efektet e vapës, ndaj kërkon kujdes të veçantë, veçanërisht tek personat me sëmundje kronike, të moshuarit dhe fëmijët. Me ardhjen e stinës së verës shtohen edhe aktivitetet në plazh dhe pishina, por sa të sigurta janë ato për shëndetin kardiovaskular? A mund të shkaktojë zhytja e menjëhershme në ujë të ftohtë probleme me zemrën? Cilat janë rreziqet që duhen njohur dhe si mund t’i parandalojmë ato? Një tjetër çështje që shpesh ngjall shqetësim është arresti kardiak tek moshat e reja. Edhe pse konsiderohet më i rrallë, ai mund të ndodhë edhe tek adoleshentët. Cilët janë faktorët që e favorizojnë, si mund të identifikohen shenjat paralajmëruese dhe kur duhet kërkuar ndihma mjekësore? Për të folur më shumë mbi këto tema të rëndësishme për shëndetin e zemrës gjatë sezonit të verës, diskutojmë në “Rreze Dielli” me Prof. Dr. Edmond Pistuli, kardiopediatër.