Në një kohë kur turizmi i trashëgimisë kulturore njeh rritje në stinën e vjeshtës Muzeu Etnografik i Elbasanit do të mbyllet për një periudhë prej 4 -6 muaj. Mbyllja e shtëpisë karakteristike elbasanase bëhet pasi në të do të kryhen punime restauruese të nevojshme për shkak të amortizimit të çatisë, dyshemesë, dyerve, dritareve etj. Drejtori i muzeut, Kliton Kapaj, shprehet se nga ndërtimi i muzeut në vitin 1986, ky është rikonstruksioni më i plotë që kryhet në të.
