Gazetarja Xhensila Nako sjell një reportazh nga fshati Spathar, në Librazhd, ku rrëfen historinë e gruas më të moshuar të zonës. Shahe Leka, 91 vjeçe, mbart një jetë të gjatë të shënuar nga sakrifica dhe vështirësi, por edhe nga një forcë e jashtëzakonshme për të mos u dorëzuar. E mbetur e ve që në moshën 25-vjeçare, ajo përballoi e vetme rritjen e katër fëmijëve, në kushte të vështira ekonomike dhe sociale, duke u bërë shtylla e familjes. Sot, në moshën 91-vjeçare, Shahe Leka vijon të jetë aktive: gëzon shëndet të mirë, ruan një kujtesë të kthjellët dhe punon çdo ditë nga mëngjesi deri në mbrëmje. Një histori frymëzuese që ngre pyetjen: cili është sekreti i jetëgjatësisë së saj?