Teksa ora për protestën e paralajmëruar nga opozita po afron, Policia e Shtetit nuk ka mbetur pas me planin e masave, siç e kërkon edhe procedura në këto raste, për ruajtjen e rendit dhe sigurisë.
Forcat e Policisë së Tiranës dhe ato të Shtetit kanë nisur të pozicionohen rreth perimetrit të Parlamentit, për të siguruar mbarëvajtjen e protestës, e cila pritet të fillojë në më pak se një orë (17:00).
Siç shihet edhe në pamjet në video, dallohet përqendrimi i forcave të shumta të uniformave blu, duke krijuar perimetër sigurie. Efektivët shihen të pajisur me të gjitha mjetet e duhura në raste protestash, si skafandrat dhe mburojat.
