Rama s'është i pranishëm në seancë, PD kërkon për të marrë një vendim nëse do vijojnë diskutimet, seanca ndërpritet për 15 minuta

16 Shtator 2021, 16:59

Është ndërprerë për 15 minuta seanca në Kuvend, me kërkesë të PD-së. Shkak për këtë u bë mungesa e kryeministrit Edi Rama në sallë dhe refuzimi i opozitës dhe kreut të PD-së, Lulzim Bashës për të mbajtur fjalën në mungesë të kryeministrit. Për këtë Kreu i Grupit Parlamentar të PD, Alfred Rushaj kërkoi 47 minuta kohë që të mblidhen për të marrë një vendim

"Ne si Grup Parlamentar duhet të mblidhemi për të marrë një vendim dhe kërkojmë të ndërpritet seanca që të marrim një vendim. Kërkojmë 47 minuta", tha ai.

Megjithatë, Kryetarja e Kuvendit i dha vetëm 15 minuta kohë.