Një grup gazetarësh të huaj nga Gjermania dhe Italia, së bashku me kolegë shqiptarë dhe përfaqësues të EcoAlbania, zhvilluan një udhëtim dyditor përgjatë lumit Vjosë për të parë nga afër problematikat mjedisore. Në terren u evidentuan rrjedhje nafte nga puset e vjetra të Gorishtit, derdhje ujërash të zeza, mbetje urbane të depozituara në brigjet e lumit dhe ndërtime të pakontrolluara që dëmtojnë ekosistemin. Edhe pse Vjosa ka marrë statusin e Parkut Kombëtar, situata reale paraqet rreziqe serioze për mjedisin dhe biodiversitetin. Gazetari i “Daily Telegraph”, Nick Squires, deklaroi se realiteti është krejt ndryshe nga ajo që pasqyrohet në dokumente zyrtare dhe se Qeveria Shqiptare duhet të marrë masa të menjëhershme për të ndaluar ndotjen dhe për të garantuar mbrojtjen e lumit më të egër në Evropë