Rënia e temperaturave, aktivizohet ngrohja në shkollat e Lezhës

19 Nëntor 2024, 15:31 | Përditesimi: 19 Nëntor 2024, 15:31

Ulja e temperaturave ka sjellë nevojën për aktivizimin e sistemeve të ngrohjes në shkolla. Në Lezhë institucionet me përqendrim të madh të nxënësve kanë ngrohje qendrore dhe vetëm në fshatra përdoret ngrohja me dru.

Tenderimet për të siguruar bazën e nevojshme për shkollat me ngrohje qendrore janë bërë që në stinën e verës, ndërsa drutë e zjarrit janë siguruar nga ndërmarrja e shërbimeve si edhe nga sekuestrimi nga prerja e paligjshme e pyjeve, duke plotësuar të gjithë nevojat.

Drejtori i Arsimit në Bashkinë Lezhë, Nikolin Shtjefni thotë se edhe kaldajat që kanë që kanë patur probleme qe në vendosjen e tyre janë rikthyer në pune dhe është zgjidhur edhe mirëmbajtja e Tyre.

r.k./Shqiptarja.com