Policia e Sarandës ka shoqëruar disa familjarë të ortakëve në lidhje me shpërthimin me tritol në hotel "Bizant" në orët e mëngjesit, persona që mund të kenë dijeni për ngjarjen. Drejt Sarandës janë nisur ekspertë të RENEA-s, të forcave xheniere, të cilët do të përcaktojnë sasinë e lëndës plasëse dhe llojin e saj. Paraprakisht dyshohet për 20 deri në 30 kilogramë. Hetimet janë përqëndruar më shumë në pistën e konflikteve që kanë pasur bashkëpronarët prej vitesh.