Moti i keq që ka përfshirë vendin ka anular dy ndeshje të futbollit shqiptar të programuara për këtë të shtunë. Në Superligë ndeshja e Korçës mes Skënderbeut dhe Dinamos nuk do të luhet, ndaj sipas axhendës së javës së 20, do jenë vetëm përballjet mes Erzenit dhe Vllaznisë si dhe Partizani-Laçi.

Është anuluar gjithashtu edhe sfida e kategorisë së parë mes Kastriotit dhe Bylisit e programuar për tu zhvilluar në Krujë. Të dy këto takime do të luhen në një datë tjetër që do përcaktohet nga departamenti i garave në FSHF.