TIRANË- Deputetja Monika Kryemadhi është financuar nga para ruse. Disa transferta janë bërë publike, të cilat vërtetojnë se Kryemadhi ka marrë një sërë pagesash në vitin 2017 nga kompani offshore, që pas tyre qëndrojnë biznesmenë rusë të naftës. Faksimilet e transfertave janë publikuar nga media e huaj EuReporter. Sipas transfertave, Kryemadhi ka bërë një pagesë për një kompani offshore, Vradus Holdings, pas së cilës qëndronte Vitaly Savvin, një biznesmen rus në tregun e naftës. Gazeta Forbes ka zbuluar se Vitaly Savvin ka qenë një ndër donatorët më të mëdhenj të presidentit rus Vladimir Putin.
