Dhuna nuk është asnjëherë përgjigje për asnjë lloj pyetje apo situate. Por me sa duket në shoqërinë tonë një cikël zinxhir i dhunës nuk po shkëputet dot ndër breza. Ditët e fundit jemi ndeshur me video të njëpasnjëhshme të rasteve të dhunës edhe të filmuar,tek adoleshentët.Çfarë po ndodh me sjelljen e adoleshentëve? Pse rastet e dhunës kthehen edhe në një lloj shfaqeje gajasëse edhe duke bërë gati telefonin për të regjistruar gjithcka? Kush është përgjegjës për dhunën? Për këto pyetje që nuk lindën sot por për fat të keq e rilindin veten cdo ditë diskutuam në “Esencë’ me një panel profesionistësh. Me pedagogen Nora Malaj,aktivisten Edlira Çepani dhe Kluadio Pulaha nga “ALO 116”. Videot e dhunës u intepretuan në studio si një këmbanë alarmi ku po shkon shoqëria jonë. Fëmijët funksionojnë me modele dhe shembuj që ndjekin dhe adoleshentët siç citoi Edlira Çepani ndikohen shumë nga rrethi i afërt shoqëror . Jemi shndërruar në një shoqëri agresive nga një sërë modelesh jo të mira cituan panelistët ndërsa prindërimi në vetvete një institucion i rëndësishëm duket se po dështon. Trekëndëshi familje-shoqëri-shkollë është ndikuesi në jetën ë adoleshentëve. Ndërsa e vetmja zgjidhje është bashkëpunimi i të gjithë hallkave për të këputur zinxhirin toksik dhe lidhur atë të kujdesit,edukimit dhe përgjegjesisë sociale. Pa anashkaluar edhe rolin e medias sikundër përmendi edhe pedagogia Nora Malaj,si një rregullatore e kërij proçesi kompleks dhe një mesazh dërguese në lidhje më ndërgjegjësimin e vazhdueshëm mbi të gjitha llojet e dhunës.