Taksistët e licencuar po përballen me një sfidë serioze për mbijetesë në treg, pasi fenomeni i taksive pa licencë është përhapur ndjeshëm, duke dëmtuar aktivitetin e tyre. Ata theksojnë se paguajnë rregullisht detyrimet ndaj shtetit, përfshirë sigurimet shoqërore, taksat dhe tarifat për rinovimin e licencave, por çdo ditë humbasin klientë për shkak të operatorëve të paligjshëm, të cilët ofrojnë shërbime pa iu nënshtruar rregullave dhe detyrimeve ligjore.
