Vrasja e Nertila Osmani dhe Sonila Kryeziut, policia prej disa orësh në dunat e Divjakës, vendi ku dyshohet se janë varrosur! Në vendngjarje edhe Merkaj

9 Mars 2023, 19:39

Policia e Divjakës ndodhet prej disa orësh në vendin ku dyshohet se janë varrosur Nertila Osmani dhe Sonila Kryeziu. Pas dëshmisë në ‘Pa Gjurmë’, dhe nën drejtimin e kreut të komisariatit të Divjakës Edmond Merkaj, forcat policore kanë shkuar në vendngjarje për verifikimin. Gazetari Freard Risa raportoi nga vendi ku dyshohet se janë varrosur dy vajzat dhe pritet të nisin kërkimet. Denoncimi është bërë në Prokurorinë e Tiranës dhe kjo e fundit do të nisë kqyrjen e materialit që u transmetua nga emisioni 'Pa Gjurmë' në Report TV dhe më pas do të nisin gërmimet. Do të jetë policia e Divjakës që do të rrethojë zonën dhe më pas do të nisë gërmimi për të vërtetuar nëse trupi i dy vajzave është groposur në dunat e Divjakës.

  •