POP 5

Lajmet më të lexuara të 5 minutave të fundit

‘Nuk mund të konsumohet’/ Bllokohen 55 ton miell gruri nga Kosova e Serbia (FOTO+Detaje)

Autoriteti Kombëtar i Ushqimit ka bllokuar një ngarkesë prej 55 ton miell gruri. Trupa inspektuese e DRAKU, Kukës gjatë kontrollit të ushtruar në Pikën Doganore Morinë evidentoi 2 subjekte të cilët do të fusnin në Republikën e Shqipërisë miellin e grurit me origjinë nga Kosova dhe Serbia.

Konkretisht, për ngarkesën 30 ton miell gruri nga Kosova me nr.loti 06, pas analizave të kryera nga laboratori i DRAKU, Durrës ky produkt rezultoi me nivelin e proteinës më të ulët se ai i deklaruar në dokumentacion dhe më i ulët se norma e lejuar për prodhim buke.

Sipas AKU, nga ekzaminimet laboratorike niveli i proteinës rezultoi të ishte 11.37 % , 11.44% dhe 11.5%, ndërkohë që në fletë analizën që shoqëron produktin, niveli i proteinës është shënuar 12.08% kurse në ambalazhin e produktit është max 13%.

Ndërsa për ngarkesën 25 ton po miell gruri nga Serbia produkti nuk kishte përputhshmëri me dokumentacionin shoqërues. Pra, raport analiza nuk ka nr.loti, datë prodhimi/skadimi që ta lidhi me produktin 25 ton miell gruri.

Për më tepër, thotë AKU, niveli i proteinës së deklaruar në raport analize(12.74%) është i ndryshëm nga ai që shënohej në ambalazh të tyre (9.5%). Autoriteti Kombëtar i Ushqimit bëri bllokimi e ngarkesës me sasi 55 ton bazuar legjislacionit në fuqi dhe do të ndjek procedurat doganore për kthimin në origjinë.

Kjo nuk është hera e parë që AKU bllokon sasi të mëdha mielli. Në datë 3 gusht të këtij viti, Autoriteti Kombëtar i Ushqimit bllokoi një ngarkesë prej 25.3 ton miell gruri me origjinë greke, për shkak se kishte parregullsi në vërtetësinë e dokumentacionit që shoqëronte ngarkesën, konkretisht, raportin e analizës për përqindjen e proteinës.

Ndërsa në datë 9 gusht, Autoriteti Kombëtar i Ushqimit bllokoi edhe një ngarkesë me 27 tonë miell gruri më origjinë po greke për shkak se nuk kishte fletë analizë që konfirmon sigurinë e produktit.

d.ba./b.ha.
Komento

Komente

  • ben: 02/09/2018 09:59

    kta duhet te ven 20 vjet ne burg se po na helmojn femit. bravo qe i kan kapur

    Përgjigju
  • Naimi: 01/09/2018 13:18

    Ne kohen e Dulles Shqiperia jo vetem prodhonte buken ne vend por edhe eksportonte kutse sot i shtrin doren Serbise dhe Rusise Sa turp.

    Përgjigju