BRUKSEL- Parlamenti Europian ka miratuar ditën e sotme një amendament lidhur me arratisjen e ish-kryeministrit maqedonas, Nikola Gruevski.
Në amandamentin e miratuar dhe të dorëzuar nga eurodeputetja Judith Sargentini, Hungarisë i kërkohet që të ekstradojë ish-kryeministrin Gruevski në Maqedoni.
Për të shkuar në Hungari ish-kryeministri maqedonas kishte kaluar nga Shqipëria për në Mal të Zi. Ai hyri në Shqipëri nga pika kufitare e Bllatës në Maqellarë të Dibrës në datë 11 nëntor dhe po atë ditë ka dalë nga Hani i Hotit, ndërsa dy ditë më pas është lëshuar urdhri ndërkombëtar i arrestit. (SHIKO KËTU)
Ish-kryeministri maqedonas kërkohet nga autoritetet maqedonase pasi mbi të rëndon një dënim prej 2 vitesh burg për shpërdorim detyre. Gruevski akuzohet se bleu një Benz me vlerë mbi 600 mijë euro nga paratë e taksapaguesve maqedonasë.