Policia e Shtetit ka reaguar pas lajmit të shpërndarë nga mediet serbe se ish-kryeministri maqedonas Nikola Gruevski ka dalë nga Shqipëria në datë 11 nëntor 2018. Policia bën me dije se Gruevski ka dalë nga Shqipëria si pasagjer në makinën e ambasadës Hungareze. Mësohet se në datën kur Gruevski ka dalë nga territori shqiptar përmes pikës kufitare të Hanit të Hotit, ai nuk ka qenë në kërkim. Ai është shpallur në kërkim nga Interpol Shkupi më datë 13 nëntor 2018. Pavarësisht njoftimit të policisë shqiptare, burime për Report Tv bëjnë me dije se hyrja e Gruevskit është bërë përmes pikës kufitare të Bllatës në Maqellarë të Dibrës.
Njoftimi i plotë:
Departamenti i Kufirit dhe Migracionit në Policinë e Shtetit duke iu përgjigjur interesimit të medias në lidhje me hyrjen dhe daljen nga territori i Republikës së Shqipërisë të shtetasit Nikola Gruevski, ju informon se:
Shtetasi Nikola Gruevski më datë 11.11.2018, rreth orës ora 19:11, ka dalë nga territori i Republikës së Shqipërisë nëpërmjet pikës së kalimit kufitar të Hanit të Hotit në drejtim të Malit të Zi, si pasagjer në automjetin me targë CD1013A, në pronësi të Ambasadës Hungareze në Tiranë.
Në datën 11.11.2018 për shtetasin Nikola Gruevski nuk ka patur asnjë njoftim në kufi apo shpallje si person në kërkim.
Interpol Shkupi në datë 13.11.2018, rreth orës 19.35 i ka dërguar Interpol Tiranës njoftimin për shpallje në kërkim ndërkombëtar për këtë shtetas.
Ish-kryeministri maqedonas ndodhet në Hungari, por ende nuk dihet se cila është pika e fundit kufitare ku Gruevski ka kaluar për të shkuar në Hungari. Mbi ish-kryeministrin maqedonas rëndon një fletë arresti. Ai vetë ka sqaruar në rrjetet sociale se ndodhet në Budapest dhe se ka kërkuar azil nga autoritetet hungareze. Ditën e djeshme, autoritetet hungareze i dhanë Gruevskit statusit e azilantit politik për arsye sigurie, raportojnë mediet maqedonase.
Në maj të vitit 2018, gjykata themelore në Shkup, e dënoi Gruevskin si fajtor për rastin ‘Tanku dhe e dënoi me 2 vite burg. Ish-kryeministri e apeloi vendimin, dhe kërkoi të lirohej, por drejtësia maqedonase e ka shpallur fajtor për shpërdorim detyre, dhe blerjen e një makine tip Mercedes superluksoz me vlerë mbi 500 mijë euro, në kohën kur ishte kryeministër.
Gazetari Zekirja Mexhiti në një lidhje telefonike me Report Tv ka dhënë informacion lidhur me arratisjen e ish-kryeministrit Nikola Gruevski në Hungari, ku sot u bë publik fakti se ai ka dalë nga territori shqiptar në datën 11 nëntor.
Gazetari ka thënë se për Gruevskin autoritetet maqedonase kanë përgatitur një dokumentacion prej 400 faqesh. Gjithashtu, Mexhiti ka thënë se dyshohet se ish-kryeministri është ndihmuar nga të tjerë persona për t’u arratisur.
Mediet maqedonase mendojnë se arratisja është bërë nga kufiri me Serbinë. Autoritetet kanë përgatitur dokumentacionin prej 400 faqesh. Informacioni tjetër është se dyshohet se ish-kryeministri është ndihmuar nga të tjerë persona për t’u arratisur. Në Maqedoni ende nuk ka një version zyrtar lidhur me pikën e fundit kufitare se ku ka kaluar Gruevski. Është dënuar nga gjykata, besohet se autoritetet hungareze do i respektojnë procedurat.
Zekirja Mexhiti, gazetar
Dalin detaje të reja lidhur me hyrjen dhe daljen e ish-kryeministrit maqedonas Nikola Gruevski nga Shqipëria. Report Tv ka mësuar nga burime në Policinë e Shtetit, se dyshohet se Nikolla Gruevski ka hyrë në Shqipëri nga pika kufitare e Bllatës në Maqellarë të Dibrës.
Dyshohet se Gruesvki mund të ketë kaluar kjo pikë kufitare, dhe për këtë arsye po kontrollohen kamerat e sigurisë. Verifikime po bëhen edhe në pikat e tjera kufitare në vend. Sipas të dhënave Gruevski kur ka lëvizur në Shqipëri shoqërohej nga disa automjete të tjera.
Rol kyç në transportin e tij ka patur Ambasada Hungareze në Shqipëri që i ka vënë në dispozicion makinën me targa diplomatike.
Lajme të tjera
-
Lejoi një malazez në kërkim të kalonte kufirin, AMP ndalon policin në pikën e Hanit të Hotit
14 Tetor, 16:13 -
SPAK e SHBA godasin grupin kriminal që kalonin qytetarë me dokumente false nga Hani i Hotit për në Amerikë e Kanada! Në burg organizatori, 4 arrest shtëpie, mes tyre 2 policë
23 Korrik, 16:25 -
Arrestohet në Han të Hotit i kërkuari nga Spanja, në portin e Durrësit pranga turkut me dokumente false (EMRAT)
24 Qershor, 11:19 -
Hekurudha Vorë-Hani i Hotit, kalon huaja 98 milionë euro! 1000 punonjës për ndërtimin e saj
3 Qershor, 22:37 -
Shkodër/ Po transportonin 900 fidanë kanabis për t'i kultivuar, 4 në pranga
10 Maj, 11:14 -
Hani i Hotit/ Kapet një 31-vjeçar i kërkuar nga drejtësia italiane, akuzohet për trafik narkotikësh
27 Prill, 13:27 -
Dy italianë tentojnë të dalin nga Hani i Hotit me 2 pako me çeqe me vlerë totale 1 milion dollarë! Dyshohen të falsifikuara
26 Prill, 10:46
-
Hani i Hotit/ I dënuar me 4 vite burg nga drejtësia polake, kapet 61-vjeçari me qëllim ekstradimin (EMRI)
25 Prill, 15:29 -
Shkodër/ Rikthehen reshjet e borës në Tamarë e Theth, rrugët të kalueshme (VIDEO)
25 Mars, 08:31 -
Ndërtimi i hekurudhës Vorë-Hani i Hotit, Shqipëria nënshkruan marrëveshjen e huasë me BERZH
26 Shkurt, 17:45 -
Ndalohet në kufi i deportuari nga Spanja dhe kosovarja e dënuar për falsifikim vizash, sekuestrohen 20 mijë euro e 15 mijë paund
22 Shkurt, 10:12 -
Tentoi të kalonte dy vajza ilegalisht në Mal të Zi nga Hani i Hotit, arrestohet 39 vjeçari nga Ekuadori
6 Janar, 15:17
