Eleni Foureira, këngëtarja me origjinë shqiptare, e cila jeton prej vitesh në Greqi, ku ka zhvilluar edhe karrierën e saj muzikore, këtë vit përfaqësoi Qipron dhe zuri vendin e dytë në Eurosong.

Babai i saj, Christos Foureira, në një intervistë për mediet greke, teksa foli për vajzën e tij dhe pjesëmarrjen e saj në Eurovizion, zbuloi edhe arsyen pse nuk ishte pranë së bijës në Lisbonë, duke shprehur se ndonëse ajo u kishte thënë atyre të shkonin, në të vërtetë nuk e donte që ata të ishin të pranishëm.

Ia dolëm, jam shumë i lumtur për vajzën time, na bëri krenar, ne nuk shkuam, sepse ajo nuk dëshironte që ne të shkonim, na tha, por ajo nuk donte.

Babai i këngëtares, Christos Foureira

Para se vajza të fitonte vendin e dytë, babai eshte shprehur:

Besoj se do të fitojë, të shohim, tani unë jam babai më krenar, kam pasur gjithnjë besim te vajza ime, dëshiroj që ajo të jetë mirë gjithmonë.

Babai i këngëtares, Christos Foureira

Eleni Foureira në një intervistë te mëparshme në medie ka thënë se ka kaluar një fëmijëri vështirë.