Blogerja italiane Sara Perico në Shqipëri: Bunk’artin e kam vizituar 5 herë, të huajt duhet ta njohin

Blogerja italiane Sara Perico promovon turizmin shqiptar. Ajo na rrëfen arsyet se përse të huajt duhet që të vizitojnë qytetet shqiptare. Bukuritë natyrore, historia, kultura edhe gastronomia janë vetëm disa nga elementet, që duhet që të prekë çdo turistë që viziton vendin e shqiponjave. Ajo flet edhe për blogun, “Vado in Albania”

Dëshira e Sara Perico-s për të promovuar turizmin shqiptar ka lindur krejt rastësisht, ashtu siç lindin të gjitha gjërat e bukura. Për herë të parë ajo zbriti nga Italia në tokën e shqiponjave në vitin 2016-të. Kur mbërriti këtu gjeti një vend që nuk e kishte imagjinuar kurrë. Në një intervistë për kamerën e “Report Tv” Sara Perico flet për blogun “Vado in Albania”, që përcjell imazhe që flasin më shumë sesa fjalët, por jo vetëm. 

Pra të thuash “Io vado in Albania” është si të deklarosh qëllimet e tua, që kur dikush më pyeste “Ku po shkon?”. “Do të shkoj në Shqipëri” përgjigjesha. Ndërkohë, që nga ana tjetër merrja si reagim. “Në Shqipëri, po çfarë do të bësh atje? Je e sigurt? A bëhet luftë atje? A ka det?” . Pra pyetje nga më të ndryshmet. Prandaj “Vado in Albania” është kjo, një deklaratë që është bërë një emër, që unë mund ta quaj të rëndësishëm, pasi ka pasur shumë sukses dhe është mirëpritur qoftë nga ana e italianëve ashtu edhe nga shqiptarët.

LEXO EDHE:
Shqipëria, ky destinacion mesdhetar që nuk e fsheh të kaluarën e tij të tmerrshme

Sara Perico, blogere

Në fillim vizitorët ishin më shumë shqiptarë, ndërsa, tani po shtohen edhe italianët, që fillimisht ishte shumë e vështirë t’i përfshije.

Pra mes rezultateve të arritura, kjo radhitet ndër më kryesoret. Dhe pastaj është edhe tema tjetër, që të bësh italianët të vijnë në Shqipëri. Edhe këtu ka pasur përmirësime.

Sara Perico, blogere

Çdo qytet për të është i bukur, por veçon Sarandën, Korçën mikpritëse, Lukovën, Himarën, Shkodrën, Beratin, Krujën apo Liqenin i Komanit. Ndërsa, nga Tirana veçon Bunk’artin, që e ka vizituar disa herë.

 Në të vërtetë sipas këndvështrimit tim, por edhe të atyre që kam shoqëruar, motrën time, miqtë e mi, për ne është diçka shumë prekëse. Mua më ngjethet mishi. Pasi e ke parë Bunk’artin nuk mund të mos ndjesh keqardhje për atë që ky popull ka kaluar. Për mua është me të vërtetë shumë prekëse. Është një nga gjërat më edukative që kam parë rreth periudhës së komunizmit.

Sara Perico, blogere

Mesazhi i blogeres është që turistët të vijnë në Shqipëri, jo vetëm në verë, por edhe gjatë vjeshtës apo fundvitit, sepse Shqipëria është ndër të paktët vende në Evropë, në mos i vetmi që mbetet autentik dhe i sinqertë.

TAG:
• bunk'art
• blogere
• sara perico

Sondazhi i ditës:

Si e vlerësoni takimin e Ramës me shqiptarët në Athinë?

• Të nevojshëm

  69%

• Të panevojshëm

  24.5%

• Nuk e di

  6.5%

Vota total: 2994

• Sondazhi i ditës:

  Si e vlerësoni takimin e Ramës me shqiptarët në Athinë?

  Të nevojshëm Të panevojshëm Nuk e di