POP 5

Lajmet më të lexuara të 5 minutave të fundit

Intervista për Report Tv/Monika Kryemadhi: Çështja 'Xhafaj', një plan mafioz uzurpimi

Kryetarja e LSI, Monika Kryemadhi, e quan plan mafioz uzurpimi çështjen "Xhafaj". Në një intervistë ekskluzive për Report Tv, Kryemadhi akuzon ministrin e Brendshëm Fatmir Xhafaj se ka manipuluar ndryshimin e pikës F të nenit 491 për ekstradimet.

Sipas saj, emaili i mbërritur nga komisioni i Ligjeve, i cili po hartonte ndryshimet e Reformës në Drejtësi, nuk ka qenë zyrtar dhe anëtari i LSI në këtë tryezë, Petrit Vasili, nuk e ka lexuar. 

Çështja Xhafaj, një plan mafioz uzurpimi. Ne nuk e kishim përpara pikën "F" kur e votuam. Email i mbërritur nuk është zyrtar dhe Petrit Vasili nuk e ka lexuar. Ne nuk menduam që maskarallëku do të shkonte në këtë farë feje. 

Monika Kryemadhi, kryetare e LSI

Kryetarja e LSI kërkon tërheqjen e nenit që sipas saj mbron nga ekstradimi në Itali vëllain e Fatmir Xhafajt.  

"Të tërhiqet neni që mbron vëllain e Xhafajt".

Sa i takon zhvillimeve politike, kryetarja e LSI thotë se opozita nuk ka hequr dorë nga mosbindja civile. Ajo garanton gjithashtu se asnjë deputet i LSI-së nuk do kalojë me PS-në, pavarësisht lëvizjeve të dyshimta të tre deputetëve të Kryemadhit.  

Nuk e kemi harruar mosbindjen civile. Asnjë deputet i LSI-së nuk kalon me PS. Deputetët tanë që votuan, votuan për të shpëtuar mandatin. Largimi i deputetëve të LSI është tymnajë e Edi Ramës. Më vjen keq ta zhgënjej Ramën, por nuk më merr asnjë deputet.

Monika Kryemadhi, kryetare e LSI

LSI pse del pas një viti dhe e denoncon ndryshimin në kodin e procedurës penale, nenin 491 gërma ‘f’?
Vasali u përgjigj vetë dje. Parlamenti për këto procedura kaq të rëndësishme nuk mund të komunikojë përmes email-it. Nuk mund të komunikojë Komisioni i Ligjeve me ministrin përmes email-it. Pastaj ,pse nuk i është përgjigjur Ministria e Drejtësisë email-it?

Ju e keni votuar pa e lexuar?
Deputetët janë njohur me material tjetër, jo me këtë ndryshim.

Ka pasur variant tjetër në Kuvend?
Po ndryshimi që është bërë duhet kaluar në Komision Ligjesh, por nuk ka kaluar. Nuk ka proces verbal, që LSI e ka votuar. Ky nen nuk ka kaluar në komision. Kjo lë shumë dyshime, këtu fillon mënyra e dyshimit të veprimit që ka bërë komisioni.

Asnjë nga LSI nuk e ka kapur këtë detaj kur hyri ligji në miratim?
Më 2017, ministria e Drejtësisë nuk drejtohej nga LSI. Pas marrëveshjes, gjithë punonjësit e LSI ishin të shkarkuar. Ata erdhën në Parlament me dçka tjetër. Ne kemi rënë dakord për atë që kanë diskutuar ekspertët dhe kërkojmë të rikthehet ajo që u diskutua nga ekspertët.

PD dhe LSI nuk kanë sjellë një amendament për ta rikthyer ...
Po, e kemi bërë menjëherë. Prokuroria duhet të hapë hetim për të zbardhur çështjen ose të bëhet hetim nga Parlamenti. Ne ja kemi bërë të qartë PS.

Publikimi i audio-përgjimit, sot u mblodhët në një tryezë në selinë e PD. Çfarë vendimi morët?
Nuk ka të bëjë vetëm me aksionin opozitar, ngjarja është e rëndë. nuk ka asnjë lloj sporti me çdo individ apo element që janë të implikuar në trafikun e drogës dhe krim. Duhet të marrë përgjegjësi secili nga ne. Sot situata është shumë e rëndë. kemi një ish-ministër të Brendshëm, që është i arrestuar për shkak të implikimit të tij në trafikun e drogës. Siç kemi dhe një ministër aktual të akuzuar që krijon një lidhje familjare të tij me të. Distancimi i menjëhershëm nga hapja e një procesi transparent. Është e domosdoshme, në prag të hapjes së negociatave. Sot në takimin si parti opozitare ka të bëjë me vazhdimësinë e strukturave partiake, por edhe qëndrimet politike. Është e domosdoshme kthjellimi i situatës nga mazhoranca, presim argumentet prej tyre.

Të enjten në Parlament Rama dhe Basha nuk do të jenë, çfarë do të ndodhë?
Nuk mund të them që parlamenti nuk do të funksionojë pse nuk është Rama. Basha nuk na tha që s’do të jetë. Për herë të parë kemi në këto 27 vjet që pas marrjes së mandatit qeverisës kemi një reagim të opinionit publik kundër qeverisë.

Çfarë ndodhi me mosbindjen civile?
Vazhdon. Sot mosbindja civile është që të mos i bindesh Ramës për veprimet që bën. Rama është peng i krimit të organizuar, që e ka futur vendin në një qorrsokak, shkatërroi Reformën në Drejtësi. Mosbindja civile do të thotë të mos i shërbesh Ramës dhe jo qytetarëve.

Ka zëra se disa deputetë të LSI janë rreshtuar pranë Ramës, si është e vërteta?
Ne nuk kemi marrë vendim për të braktisur komisionet. LSI nuk i bojkoton komisionet, nga një deputet do të marrë pjesë në çdo komision të parlamentit, për të ndjekur gjithë procesin. Sa i takon qëndrimeve në sallë, Çela, Panariti, Tavo janë deputetët që kanë munguar më shumë në seanca dhe tani duhet të jenë të pranishëm se ju digjet mandati. Është vetëm kjo arsyeja, nuk ka të bëjë me asgjë tjetër. Kjo është një lojë, tymnajë që Rama përdor për të ushtruar presion. LSI është e hapur, secili nga ne përfaqëson votat e partisë. Pse nuk thoni p.sh për Rudina Hajdarin që merr pjesë në aktivitetet e organizuara nga maxhoranca apo dhe për Grida Dumën. Për këto pse nuk thoni? Por ju bëjnë përshtypjen vetëm deputetët e LSI-së. Nuk ka dhe nuk ka për të ikur asnjë deputet nga LSI. Nuk ka për të ndodhur kjo, me vjen keq që Rama do mbetet i zhgënjyer. 

Është e gatshme LSI të votojë ligjin për rihapjen e magjistraturës?
S'kanë nevojë për votat e LSI ata, e bënë me Kryeprokuroren e Përgjithshme që duhej të zgjidhej me 84 vota, e zgjodhën me 69. Le t'i bëjnë edhe këto.  

Jeni të sigurt që asnjë deputet i LSI s'do ta votojë këtë ligj?
Kush le të dojë le të shkojë. Ata e kanë shpjegimin e EURALIUS që mund ta votojnë edhe me 36 vota.

l.q./b.ha.
Komento

Komente

  • Populli: 16/05/2018 13:46

    Monster femer,kur e din se c'fare kane bere keto 27 vjet bashke me Ilir Kryemafiozin ka kurajon te genjeje e te llape pa pushim per mafje e droge,ptu te nxifte zoti surratin ty dhe gjithe familjareve te tuaj moj bunderr.

    Përgjigju
  • Donela: 16/05/2018 13:39

    Femer rrugace ordinere

    Përgjigju
  • Kosovari: 16/05/2018 09:56

    Sa plane mafioze do dalin kur te merrsh ti dhe Ili ne pyetje,Vertet jeni githçka negative,ama me se shumti jeni proserb e probeogradit.

    Përgjigju
  • Kafsha: 16/05/2018 08:14

    Ik moj bajgë ordinere!

    Përgjigju
  • Deutschland: 16/05/2018 07:14

    O popull, kjo nuk ka as fytyr dhe asdinjitet femer më të poshter dhe pa fytyr nuk ka për të patur më ky vend

    Përgjigju
  • erjon: 16/05/2018 06:25

    kam pershtypjen se kjo femer esht nje teuçe komplekse ose kr i gjithanshem mbart nga brenda kjo kafsh e ndyre

    Përgjigju
  • Tom: 16/05/2018 04:52

    Pure BITCH

    Përgjigju
  • Njetri: 16/05/2018 01:15

    Qenka kenaqesi te degjosh monen kjo eshte femra me e peshtir

    Përgjigju
  • xxx.: 15/05/2018 23:46

    O hajdute po akoma me mashtrime vazhdon te qendrosh po nuk mer dot me ate mendje qe ke je komplet e djegur sepse kerokon te vjedhesh se ashtu je mesuar por nuk do ja arrish dot se ke vjedhur dhe po vjedh gjith andej po i ke ditet te numeruara.

    Përgjigju