KPA cakton trupat gjykuese për Tom Ndrecën dhe Artan Lazajn

Kolegji i Posaçëm i Apelimit ka publikuar sot emrat e trupave gjykuese që do të shqyrtojnë ankesat e gjyqtarëve Artan Lazaj e Tom Ndreca. Gjyqtari i gjykatës së rrethit gjyqësor Tiranë, Artan Lazaj, do të rivlerësohet nga Sokol Çomo kryesues, Albana Shtylla relatore, e Ardian Hajdari, Natasha Mulaj, Rezarta Schuetz anëtarë të trupës gjykuese.

Gjyqtari Lazaj u shkarkua nga KPK më 4 shtator, pasi rezultoi sipas hetimeve të KPK-së se kishte probleme me pasurinë e tij.  Trupa gjykuese e përbërë nga Brunilda Bekteshi, Lulzim Hamitaj dhe Olsi Komici arriti në përfundimin se gjyqtari Lazaj kishte bërë deklarim të rremë dhe ka patur 17 probleme serioze me pasurinë.

Gjyqtari i Gjykatës së Lartë, Tom Ndreca, është shkarkuar nga KPK më 17 korrik,  pasi u gjet se Ndreca nuk plotësonte kriteret për të vijuar punën.

LEXO EDHE:
Mbylli dosjet e Berishës, Shkëlzenit e Bashës, KPA shkarkon gjyqtarin Lazër Sallakun

Gjyqtari Tom Ndreca, i njohur për gjykimin e dosjes së 21 janarit dhe për fitoren që i dha Lulzim Bashës për Bashkinë e Tiranës në vitin 2011, do të gjykohet nga Albana Shtylla kryesuese, Ina Rama relatore, Natasha Mulaj, Rezarta Rezarta Schuetz dhe Sokol Çomo, anëtarë të trupës gjykuese.

Tom Ndreca nuk e kaloi kriterin e pasurisë pasi në 7 vite ka deklaruar blerjen e 4 apartamenteve për të cilat nuk ka justifikuar burimin e të ardhurave.

TAG:
• vettingu
• kpa
• Artan Lazaj
• tom ndreca

Sondazhi i ditës:

Si e vlerësoni funksionimin e Gjykatave dhe Prokurorive në qarqe?

• Mirë

  24.2%

• Keq

  62.8%

• Nuk e di

  13%

Vota total: 799

• Sondazhi i ditës:

  Si e vlerësoni funksionimin e Gjykatave dhe Prokurorive në qarqe?

  Mirë Keq Nuk e di