Pas takimit të zhvilluar një ditë më parë me presidentin e Kosovës Hashim Thaçi, në Shtëpinë e Bardhë, Këshilltari për Sigurinë Kombëtare i presidentit amerikan Donald Trump është deklaruar së fundi se zgjidhja në dialogun Kosovë-Serbi , duhet të vijë sa më shpejt dhe se është koha që të dy palët të arrijnë një marrëveshje përfundimtare mes tyre.
Këshilltari i presidentit Trump, i bëri këto komente përmes një statusi në faqen e tij, në twitter, ku bën të ditur takimin e zhvilluar në Uashington presidentin Thaçi e ku thotë se Shtetet e Bashkuara janë të gatshme të ndihmojnë të dyja palët drejt arritjes së këtij synimi historik, raportojne mediat kosovare.
“E takova Presidentin e Kosovës, Hashim Thaçi në Shtëpinë e Bardhë. U pajtuam që tani është koha për të arritur një marrëveshje ndërmjet Kosovës dhe Serbisë. SHBA-ja është e gatshme t’u ndihmojë të dyja palëve për të arritur këtë qëllim historik”, ka shkruar Bolton në Twitter.
Ndërkohë të martën edhe presidenti i Kosovës, Hashim Thaçi është shprehur rreth këtij takimi, duke thënë se është folur në lidhje me shanset e dialogut mes dy vendeve Kosovës dhe Serbisë.
“U pajtuam se ekziston një shans historik në dialog (v.j. midis Kosovës dhe Serbisë) i cili nuk duhet të humbet nga dy shtetet. Kjo i mundëson Kosovës anëtarësimin në NATO, Kombet e Bashkuara dhe Bashkimin Evropian”, ka thënë Thaçi përmes një njoftimi presidencial.
Shtetet e Bashkuara kanë theksuar gjatë muajve të fundit se janë të gatshme të shqyrtojnë çdo lloj marrëveshje për të cilën do të binin dakort të dyja palët dhe që do të ishte e zbatueshme, pasi kjo do u siguronte këtyre vendeve ecurinë në rrugën e integrimit europian.
Siç e dimë prej, gjatë muajve të fundit, presidenti Thaçi ka hedhur idenë e "korrigjimit" të kufinjve, e cila është pritur me kritika të ashpra nga shumica e forcave politike në Kosovë dhe Kryeministri Haradinaj, i cili më herët eshtë shprehur se kufinjtë mund të ndryshohen vetëm me luftë.
Ish-ambasadori i SHBA-së, në OKB Bolton është ndër zyrtarët e lartë amerikan, që ka thënë se shteti i tij do të përkrahë shkëmbimin e territoreve nëse për këtë pajtohen Kosova dhe Serbia.
Lajme të tjera
-
Hashim Thaçi në Hagë po i ikin avokatët: S'jemi paguar! Reagon qeveria: U paguan 3.5 mln euro
30 Janar, 12:03 -
Vazhdon gjykimi ndaj ish-krerëve të UÇK-së në Gjykatën Speciale të Hagës
23 Janar, 10:40 -
Biografia e Hashim Thaçit në Kryeministri! Milo: Si mesazh dhe për gjykatën, që ‘foshnja’ e revolucionit nacional të Kosovës të mos hidhet poshtë
19 Janar, 19:13
-
'Tony Blair u këshillua të punonte me UÇK-në' Zbulohen dokumentet e e Arkivit Kombëtar britanik
29 Dhjetor 2023, 11:23 -
Ish-zyrtarja e OSBE-së në Kosovë vazhdon dëshminë në Dhomat e Specializuara në Hagë
11 Dhjetor 2023, 09:06 -
Dhomat e Specializuara në Hagë vendosin kufizime kontaktesh për Thaçin, Veselin dhe Selimin
4 Dhjetor 2023, 16:07 -
Prokuroria në Hagë: Do t'i ndjekim të gjithë ata që i frikësojnë dëshmitarët
4 Dhjetor 2023, 14:04 -
Prokurorët e Hagës kërkojnë që Thaçit, Veselit dhe Selimit t’u pezullohen vizitat dhe të gjitha komunikimet! Akuzohen se kanë zbuluar identitetin e dëshmitarëve
23 Nëntor 2023, 16:23 -
Reperi shqiptar viziton krerët e UÇK-së në Hagë: Disa djem që dikur me armë morën rrugën për ta çliruar Kosovën, tani po rrinë në burg
18 Nëntor 2023, 07:52 -
'Krime lufte dhe vrasje të paligjshme', sot 3 vite më parë nga publikimi i aktakuzës ndaj Thaçit dhe ish-krerëve të UÇK-së
5 Nëntor 2023, 08:33 -
VIDEO/ Gjergj Luca në Hagë te Hashim Thaçi: Krimi i vetëm se sakrifikoi gjithçka për Kosovën e pavarur
4 Nëntor 2023, 20:24 -
Prokuroria e Hagës kryen kontroll në banesën e ish-këshilltarit të Thaçit, Ismail Syla
1 Nëntor 2023, 10:53
