POP 5

Lajmet më të lexuara të 5 minutave të fundit

Kronikë

Sarandë, 2 vite burg biznesmenit Pando Papuçi i konfiskohet pallati 7 katësh në ndërtim e sipër! Ishte pa leje

Gjykata e Sarandës dënoi me 2 vite burg biznesmenin pasi u shpall fajtor se ndërtoi në mes të qytetit pallatin 7 katësh pa leje. Veçohet dosja për kryeinspektoren e IVMT së Sarandës. 

Sarandë, 2 vite burg biznesmenit Pando Papuçi i konfiskohet pallati 7 katësh në ndërtim e sipër! Ishte pa leje

Pallati ne ndertim i konfiskuar

Gjykata e Sarandës dënoi sot (26 prill 2024) me 2 vite burg biznesmenin, 68 vjeçar, Pando Papuçi, pronar i vetëm i firmës “2P-SJ” duke e shpallur fajtor për “Ndërtim të paligjshëm”, për qëllime fitimi. Gjithashtu ka vendosur konfiskimin dhe kalimin në favor të shtetit të objektit pallat 7 katësh që po e ndërtonte firma në lagjen nr.1, në hyrje të rrugës nr.5,  në qytetin e Sarandës.

Lidhur me këtë dosje më 22 shkurt 2024 u arrestua Romina Pulaj, me detyre kryeinspektore e Inspektoriatit Vendor të Mbrojtjes së Territorit pranë Bashkisë Sarandë pasi u akuzua  për ‘Shpërdorim detyre’, pasi kishte lejuar ndërtimin e pallatit pa leje, ndërsa biznesmeni, pronar i firmës që ndërtoi pallatin 7 katësh '2P-SJ, u shpall në kërkim.

Ky i fundit më vonë u vetëdorëzua dhe hetimi ndaj tij vijoi në gjëndje të lirë.

Për Romina Pulaj, Martin Arapi dhe Nertion Jano të akuzuar për kryerjen e veprës penale “Shpërdorimi i detyrës” është veçuar gjykimi. 

Për biznesmenin u aplikua gjykimi nëpërmjet ritit të shkurtuar.

Në përfundim të gjykimit, Prokuroria Sarandë e përfaqësuar nga prokurore Silvana Belishta kërkoi: Deklarimin fajtor të të pandehurit Pando Papuçi, për kryerjen e veprës penale “Ndërtim i paligjshëm” i kryer për qëllime fitimi, parashikuar nga neni 199/a/4 i Kodit Penal dhe dënimin e tij me 5 (pesë) vjet burgim. Në aplikim të ritit te gjykimit të shkurtuar, uljen e këtij dënimi me 1/3 dhe në aplikim të nenit 59 të K.Penal, të pezullohet ekzekutimi i dënimit me burg dhe konvertimi i këtij dënimi në shërbim prove me detyrimin që të mbajë kontakte me Drejtorinë e Shërbimit të Provës që mbulon vendbanimin e tij.

Ndërsa gjykata vendosi deklarimin fajtor të biznesmenit dhe dënimin e tij me 3 (tre) vjet burgim e në aplikim të gjykimit të shkurtuar përfundimisht të dënohet me 2 (dy) vjet burgim.

"Deklarimin fajtor të të pandehurit Pando Papuçi, për kryerjen e veprës penale “Ndërtim i paligjshëm” i kryer për qëllime fitimi, parashikuar nga neni 199/a/4 i Kodit Penal dhe dënimin e tij me 5 (pesë) vjet burgim. Në aplikim të ritit te gjykimit të shkurtuar, uljen e këtij dënimi me 1/3 dhe në aplikim të nenit 59 të K.Penal, të pezullohet ekzekutimi i dënimit me burg dhe konvertimi i këtij dënimi në shërbim prove me detyrimin që të mbajë kontakte me Drejtorinë e Shërbimit të Provës që mbulon vendbanimin e tij. Deklarimin fajtor të të pandehurit Shoqëria “2P-SJ” sh.p.k për kryerjen e veprës penale të “Ndërtim i paligjshëm”, i kryer për qëllime fitimi parashikuar nga neni 199/a/4 i Kodit Penal dhe dënimin e tij me “Mbarimin e personit juridik”. Heqjen e sekuestros preventive dhe vijimin e procedurave administrative. Shuarjen e masës së sigurimit “Detyrim për t’u paraqitur në policinë gjyqësore" thuhet në vendimin e gjyqtares Edona Vajushi 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • jani: 26/04/2024 21:41

    ku eshte shteti,,si e late kete palaco te beje pallat 7 katesh...

    Përgjigju
  • Alb: 26/04/2024 13:15

    Po bashkija ku i ka pas syte? Saranda ashte ba mute vetum beton e pallate

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça