Matura, del formulari A2, si duhet
të plotësohet për të fituar shkollën

TIRANE- Të hënën maturantët në të gjithë vendin do të nisin plotësimin e formularit A2, sipas një grafiku të përcaktuar nga Ministria e Arsimit. Formularin me dhjetë preferenca do të plotësojnë të gjithë ata maturantë të cilët kanë rezultuar kalues në provimet e Maturës Shtetërore. Sa i përket fituesve, përcaktimi do të bëhet sipas parimit Meritë – Preferencë, ku parimi i meritës përcaktohet sipas pikëve të grumbulluara në bazë të rezultateve të shkollës së mesme, të provimeve të Maturës Shtetërore (të detyruara dhe me zgjedhje) dhe për programe studimi të caktuara, edhe sipas rezultateve të arritura në konkurs.