POP 5

Lajmet më të lexuara të 5 minutave të fundit

Nga Llalla, Gina-Gashi deri tek 'Ishmi', dosjet e bujshme që u hetuan nga Prokuroria e Durrësit

Prokuroria e Durrësit ka rënë pre e grabitjes gjatë natës së kaluar, ku dyshohet se janë marrë disa dosje korrupsioni nga zyra e një prokurori dhe një oficeri të policisë gjyqësore. Organi i Akuzës së Durrësit është grabitur për herë të dytë brenda muajit maj, ndërsa është një ndër organet më të rëndësishme të drejtësisë në vend, teksa ka iniciuar një sërë dosjesh të bujshme.

Prokuroria e Durrës ka hetuar dosjen e ish-kryeprokurorit Adriatik Llalla, e cila vetëm pak kohë më parë është transferuar te Krimet e Rënda. Një tjetër dosje e rëndësishme e hetuar nga Prokuroria e Rrethit Gjyqësor Durrës është edhe ajo e çiftit Gina-Gashi. Prokurorët Dritan Gina dhe Rovena Gashi kanë qenë subjekt hetimi në këtë institucion, deri pak ditë më parë, kur dosjet e tyre kaluan në Prokurorinë e Fierit.

Gjithashtu, Akuza e Durrësit ka në dorë një tjetër dosje mjaft me rëndësi, siç është ajo e abuzimit me pronat dhe plazhet publike në Ishëm dhe te Gjiri i Lalzit, ku u arrestuan dhe katër ish-zyrtarë të shtetit, mes të cilëve dhe ish-kryetari i Komunës Ishëm.

Dosja e 613 kg kokainë të kapura në Maminas, e cila ditët e fundit është kthyer në vëmendjen e politikës, po hetohet nga Prokuroria e Durrësit. Vetëm pak ditë më parë, kryeministri Edi Rama bëri një deklaratë të fortë, teksa u shpreh se zyrtarët më të lartë të PD kanë lidhje me 613 kg kokainë.

Këto dhe shumë dosje të tjera të bujshme kanë kaluar apo po kalojnë në duart e prokurorëve të Prokurorisë së Durrësit, të cilët po tentojnë të hedhin dritë mbi dosjet e abuzimeve dhe të korrupsionit, ku të përfshirë janë zyrtarë të lartë të shtetit. 


Lajmi kryesor:

Grabitet sërish brenda muajit Prokuroria e Durrësit, merren dosje korrupsioni


Komento

Komente

  • Faik: 24/05/2018 10:48

    Duhet Dorë e Hekurt ! Edi Rama është një FRIKACAK I Pështirë , që po i VJEDH Saliu me LUL Hajdutin PROKURORINË , sepse në DURRËS janë gjithë DOSJET e BANDAVE dhe MAFJES së PD KRIMIT dhe LSI GRABITJES ! Në Qoftëse Nuk je I ZOTI , largohu një ORË e më Parë O EDI RAMA , sepse të VIDHET PROKURORIA është një GJË e PaImagjinueshme edhe në Vendet AFRIKANE !! Ata që futen dhe VJEDHIN GJYKATAT dhe PROKURORITË i GJUAJNË me BRESHËRI AUTOMATIKU Jashtë , dhe nuk ka asnjë PARALAJMËRIM !! Këtë Nuk e ka bërë DOT as COZA NOSTRA SIÇILIANE apo CAMORA e NAPOLIT !!! TURP TURP për EDI RAMËN , që ka 5 VJET në PUSHTET dhe ANKOHET Akoma !!! 5 VJET në PUSHTET dhe EDI RAMA i merr Leje SALIUT dhe LULIT !!!! TURP TURP TURP

    Përgjigju
  • VETTING te terve: 24/05/2018 09:17

    Kjo eshte mafia e vertete, me keq se toto riina, ai te pakten prokurorine se vidhte dot. Edi rama o ti dali per zot vendit ose te japi doreheqjen se keto gjera nuk zgjidhen kaq lehte sa cduken.

    Përgjigju