Lajme nga emisionet

Kodi zgjedhor i dakordësuar mes PS dhe PD është sfiduar nga partitë e vogla në Gjykatën Kushtetuese, duke kërkuar pezullimin e ndryshimeve.Në 'Repolitix' u theksua rëndësia e garantimit të pluralizmit dhe kritikuan listat e mbyllura si një pengesë për transparencën dhe barazinë e votës.

Ferdinand Dervishi diskutoi në ‘Studio Live’ për zbulimin e aplikacionit Matrix, përdorur nga krimi. Ai vlerësoi punën e SPAK dhe parashikoi se zbulimi i këtij aplikacioni do t’i japë goditje të fortë krimit. Dervishi gjithashtu paralajmëroi për fuqinë e bandave kriminale dhe nevojën për veprime të tjera të SPAK për të parandaluar ngjarje si ajo e "Falcone" në Itali.

Në 'Studio Live' u diskutua zhvillimet në Siri, ku Rusia dhe Irani po mbështesin regjimin e Assad, ndërsa rebelët janë mbështetur nga Turqia dhe Ukraina. Ushtria ruse ka avancuar ndjeshëm në Ukrainë gjatë nëntorit. Krisafi dhe Arapi diskutuan edhe rrezikun e përdorimit të armëve bërthamore nga Putin në rast humbjeje.

“K’cimi i Tropojës”, është bërë zyrtarisht pjesë e Listës Përfaqësuese të Trashëgimisë Kulturore Jomateriale të Njerëzimit në UNESCO. Lidhur me këtë koreografi Skënder Haklaj, i cili është edhe nismëtari për ta dërguar në UNESCO, u shpreh se tashmë ‘Kcimi i Tropojës’, do ta njohi e gjithë bota.

Përfitimet e mahnitshme nga konsumimi i hudhrës, këshilla si ta kombinojmë për gjendje të ndryshme shëndetësore

Rikthimi i Sali Berishës në parlament u shoqërua me debat në “Repolitix”. Arben Meçe e kritikoi si një përpjekje të dështuar për të luajtur viktimën, ndërsa avokati Përparim Çaça e cilësoi si një lider të fuqishëm për opozitën. Endri Tafani vuri në dukje mungesën e një ideologjie të qartë në PD, ndërsa Besart Logu kritikoi Berishën për ndjekjen e një agjende personale.

Ish-ambasadori Agim Nesho i ftuar në 'Frontline Interview' e cilësoi sulmin në Zubin Potok si një akt terrorist të organizuar nga forcat paramilitare, të lidhur ngushtë me Serbinë. Sipas tij, Vuçiç po tenton të krijoj një "konflikt të ngrirë" në veri të Kosovës, si pjesë e strategjisë për të rikthyer dominimin serb në rajon. Nesho paralajmëroi se tensionet në Ballkan mund të rriten nëse Serbia dhe Rusia intensifikojnë provokimet.

Flutura Açka diskutoi në 'Frontline Interview' për seancën e sotme, ku amendamentet e opozitës u refuzuan. Ajo votoi pro tyre dhe theksoi se ndarjet brenda opozitës janë të momentit. Açka komentoi rikthimin e Berishës në parlament, duke e vlerësuar si më të qetë se sa pritej. Ajo kritikon marrëveshjen e kodit zgjedhor PD-PS dhe sugjeron nevojën për një pol të tretë opozitar. Mazhoranca dhe Rama duan të mbajnë PD-në të ndarë.

Dashamir Shehi, kreu i LZHK-së, foli në Studio Live për krijimin e një pol të tretë opozitar dhe theksoi rëndësinë e hapjes së listave zgjedhore nga Gjykata Kushtetuese. Ai e shpjegoi ndarjen me Sali Berishën si një çështje të ideve të reja dhe udhëheqësve të rinj, jo thjesht për non-gratën si faktor. Shehi gjithashtu kritikoi marrëveshjen PD-PS për kodin zgjedhor dhe akuzat ndaj SPAK, duke theksuar nevojën për një alternativë të pastër kundër qeverisë socialiste.

Në 'Studio Live', gazetarët Keti Banushi dhe Adriatik Doçi diskutuan për dosjet e SPAK lidhur me krimin e organizuar në Elbasan dhe aplikacionet për komunikim, si Matrix, Sky dhe EncroChat. Grupi kriminal i Suel Çelës ka ndikuar në media dhe politikë. Doçi theksoi se Gërdeci dhe 21 Janari mbeten prova të forta për fatin politik të Sali Berishës

Shpërthimi në Zubin-Potok ka rritur tensionet ndërmjet Serbisë dhe Kosovës. Mentor Kikia argumentoi në '5 Pyetjet' se Serbia po përdor "armët e fundit" për të destabilizuar, duke mbështetur aktet terroriste. Etjen Xhafaj nënvizoi se gara armatimi nuk është zgjidhje dhe se siguria duhet të sigurohet përmes diplomacisë dhe zhvillimit ekonomik. Kreshnik Çollaku u shpreh pesimist për njohjen e Kosovës nga Serbia dhe kritikoi optimizmin për dialogun ndërkombëtar.

Kreshnik Spahiu paralajmëroi në '5 Pyetjet nga Babaramo' për rreziqet e autonomisë serbe në veri të Kosovës dhe ndikimin e faktorëve pro-rus për destabilizimin e rajonit. Ai thekson rëndësinë e projektit franko-gjerman për Kosovën dhe kritikon indiferencën e mediave shqiptare ndaj alarmit që ngrihet në Europë për tensionet gjeopolitike.

Ministri Xhelal Sveçla deklaroi në '5 Pyetjet nga Babaramo', se Kosova ka stabilizuar situatën pas sulmit terrorist duke rikthyer furnizimin me ujë dhe garantuar energjinë elektrike. Ai akuzoi Serbinë për mbështetje të drejtpërdrejtë ndaj grupeve terroriste si "Mbrojtja Civile" dhe "Brigada e Veriut". Sveçla theksoi angazhimin e institucioneve kosovare për të parandaluar sulme të tjera dhe bashkëpunimin me aleatët ndërkombëtarë për hetime të thella.

Në Studio Live pasditen e sotme ishte i ftuar historiani Marenglen Kasmi i cili pati dhe një debat me avokatin Spartak Ngjela që foli me anë të Skype, lidhur me Luftën e Dytë Botërore dhe pozicionimin e ballistëve dhe komunistëve. 

Laringiti tek fëmijët, si të trajtohet në mënyrë natyrale