Bota

Një në katër fëmijë në Portugali është i prekur nga thatësira ekstreme, paralajmëroi UNICEF në Portugali të hënën, pasi Komiteti për të Drejtat e Fëmijëve publikoi një udhëzues për krizën klimatike.

Në një kohë mospajtimesh të thella, votuesit amerikanë pajtohen për një gjë: Presidenti Joe Biden është shumë i moshuar për të qenë efektiv në një mandat të dytë. Ish Presidenti Donald Trump, kandidati kryesor republikan për president, në mënyrë befasuese nuk nxit shqetësime të ngjashme për moshën e tij, ndonëse ka vetëm disa vjet diferencë mes tyre.

Gjyqi i ish-presidentit amerikan Donald Trump për akuzat për komplot dhe përmbysjen e rezultatit të zgjedhjeve presidenciale të vitit 2020 do të mbahet më 4 mars të 2024-s. Gjyqi do të zhvillohet tetë muaj para zgjedhjeve presidenciale të 2024-ës në SHBA.

Një çift turistësh holandezë të cilët ishin me pushime në Liguria, Itali kanë harruar çantën e shpinës në një furrë buke ‘Leone Di Taggia’, ku brenda saj kishte një celular, një portofol dhe një zarf me 15 mijë euro.

Modelja dhe aktorja braziliane, Kine-Chan, 21-vjeç, është ndaluar të hipte në avion në aeroportin Navegantes, Brazil, për shkak të veshjes së saj e cila u vlerësua si e “papërshtatshme.

Talebanët gjithmonë e më tepër vendosin rregulla të ashpra për gjininë femërore. Pas mbylljes së universiteteve në vend për to, tani grave nuk u lejohet as të studiojnë në Dubai edhe pse kanë një bursë.

Guvernatori i shtetit juglindor amerikan të Florida, Ron DeSantis paralajmëroi banorët të përgatiten për goditjen e vendit nga stuhia Idalia. Sipas tij stuhia Idalia do të ashpërsohet në detin e Karaibeve duke u kthyer në një “uragan madhor”, duke prekur brigjet e Gjirit të Meksikës kësaj jave.

Agjencia ruse e sigurisë (FSB) bëri të ditur të hënën se një ish-punonjës i konsullatës amerikane në Vladivostok, ishte akuzuar për mbledhje të informacioneve lidhur me luftën në Ukrainë e protestat në Rusi, për llogari të Shteteve të Bashkuara.

Qeveria britanike planifikon të përdorë byzylykët elektronike për lokalizimin e emigrantëve që hyjnë në mënyrë të paligjshme në vend. Braverman tha se nuk mund të lejojë zhdukjen e tyre pasi hyjnë në Britani, por opozita ka kundërshtuar me argumentin se kjo teknikë përdoret vetëm për kriminelët e dënuar nga gjykata.