Kosova & Rajoni

Haxhi Thaçi, babai i ish-Presidentit të Kosovës, Hashim Thaçi foli rreth takimit me ish presidentin që ndodhen në Hagë ku po gjykohet nga Gjykata Speciale. Sipas tij, do të kishte marrë shtëpi në Hagë po të kishte mundësi dhe të vizitonte më shpesh të birin por e ka të pamumndur prej gjendjes shëndetësore.

Sot 15 vjet më parë Kosova u shpall e Pavarur. Më 17 shkurt të vitit 2008 Kuvendi i Kosovës shpalli njëzëri Kosovën shtet të pavarur sovran dhe demokratik.

Krerët e Francës dhe Gjermanisë kanë thënë se dialogu midis Kosovës dhe Serbisë, që ndërmjetësohet nga Bashkimi Evropian, është thelbësor në rrugën e Prishtinës dhe Beogradit drejt bllokut evropian. Kështu është thënë në letrat e ndara që presidenti francez, Emmanuel Macron, dhe ai gjerman, Frank Walter-Steinmeier, i kanë dërguar homologes së tyre kosovare, Vjosa Osmani, për 15-vjetorin e shpalljes së pavarësisë së Kosovës.

Presidenti i Shteteve të Bashkuara të Amerikës ka uruar Kosovën për 15-vjetorin e Pavarësisë. Në mesazhin e tij Biden thekson se SHBA do të vazhdojë ta mbështesë Kosovën për integrimin në institucionet euroatlantike.

Paraburgimi në Hagë nuk e ka penguar Rexhep Selimin, ish-pjesëtarin e UÇK-së që t’i përcjellë ‘syrit të botës’ atë çfarë ka përjetuar në luftën e Kosovës. 153 piktura të Selimit janë ekspozuar ditën e sotme në sallën COD në Kryeministri në vigjilje të Ditës së Pavarësisë së Kosovës.

Deputeti i Lëvizjes Vetëvendosje, Haki Abazi, i cili ka përmendur disa audioincizime sot në konferencën e thirrur nga ai, u shpreh se ato konfirmojnë se zërit të deputetëve përbrenda parlamentit e 'ngufatin' Saranda Bogujevci, Mimoza Kusari dhe Dejona Mihali. Sipas Abazit, tri gratë e përmendura më lartë janë ato që e ngufasin zërin e deputetëve.

Ndërsa Kosova po përgatitet të festojë 15 vjetorin e shpalljes së pavarësisë nga Serbia, me një seri aktivitetesh gjatë që do të zgjasin disa javë, vendi ende ndeshet me sfida serioze në negociatat me Serbinë dhe lidhjet me fuqitë perëndimore.