Bota

Në ditën e 8-të të luftës, Kievi dhe Moska duket se kanë arritur një marrëveshje për krijimin e korridoreve humanitare për lëvizjen e civilëve dhe furnizimin me ilaçe e ushqime. Më herët presidenti i Ukrainës Zelensky i ka bërë thirrje presidentit rus Putin që të ulen së bashku për të ndalur luftën, por jo 30 metra larg si bëri me presidentin francez Macron.

Jahti i çmuar mbi 150 m i gjatë i miliarderit rus Alisher Usmanov është sekuestruar nga zyrtarët gjermanë sot pas sanksioneve të vendosura nga BE. Ndaj miliarderit rus Alisher Usmanov u vendosën sanksione nga Bashkimi Evropian ditën e hënën.

Rusia dhe Ukraina të dyja thonë se kanë vrarë mijëra trupa kundërshtare. Tani Moska thotë se rreth 500 ushtarë të saj janë vrarë, ndërsa Ukraina nuk ka dhënë ende një shifër të përditësuar për viktimat ushtarake, por thotë se të paktën 2,000 civilë kanë vdekur.

“Ne nuk jemi në luftë me Rusinë”, tha presidenti francez Emmanuel Macron. Në një fjalim drejtuar kombit të mërkurën, Macron tha se lufta kundër Ukrainës kishte krijuar një "ndarje" në Evropë.  Macron tha po ashtu se ditët e ardhshme do të jenë më të vështira

Ndonëse Ukraina ndodhet prej një jave nën pushtimin rus, shpresa e popullit për të mos u dorëzuar është më e gjallë se kurrë. Ukrainasja Iryna Romanova që jeton në Shqipëri ka rrëfyer për Report Tv përjetimet e saj nga sulmi dhe vuajtjet që po përjeton familja e saj që ndodhet në Ukrainë.