Bota

Princi 33 vjeçar i Kurorës dyshohet se ka arrestuar tre anëtarë të familjes mbretërore dhe i ka akuzuar se janë përpjektur të bëjnë grusht shteti për të hapur rrugën drejt fronit të mbretit të sëmurë, 88 vjeçarit Mbretit Salman.

Presidenti turk Rexhep Tajip Erdogan, pasi nënshkroi me presidentin rus Vladimir Putin armëpushimin në Siri, duket se është i interesuar të përmirësojë marrëdhëniet me BE dhe të rihapë mundësinë e rihapjes së negociatave për një marrëveshje të re duke e kushtëzuar me ndalimin e valës së refugjatëve

Teksa po shikohet mundësia e rritjes së zonave të ashtuquajtura të kuqe, Italia ka ndërmarrë një plan të paparë për të forcuar sistemin shëndetësor kombëtar në ditët e krizës më të zezë shëndetësore në historinë e saj.

"Mjellma e zezë" në terminologjinë e financave përdoret për situata të paparashikuara me pasoja të rënda. Ekonomistët ndërkohë diskutojnë, se sa të rënda mund të jenë pasojat e epidemisë së virusit korona.

Presidenti amerikan, Donald Trump ka thënë se talibanët “mund” të përmbysin qeverinë e përkrahur nga perëndimi në Kabul, pas tërheqjes së Shteteve të Bashkuara nga Afganistani.

Presidenti amerikan Donald Trump ka nënshkruar një projektligj emergjent që parashikon më shumë se 8 miliard dollarë fonde për t’u përballur me krizën në rritje të koronavirusit. Pesë shtete amerikane, Merilendi, Kalifornia, Florida, Uashingtoni dhe Havai kanë shpallur gjendjen e emergjencës për shkak të virusit. Gjithsej në SHBA janë konfirmuar 230 raste infektimi dhe numri i të vdekurve ka arritur në 14.

Një polic ka humbur jetën edhe 5 të tjerë janë plagosur pas një sulmi terrorist pranë Ambasadës Amerikane në Tunizi këtë të premte. Dy kamikazë të hipur në motor të mbushur me eksploziv goditën një post sigurie pranë ambienteve të ambasadës, ndërsa i plagosur ka mbetur edhe një civil, punonjës i institucionit.

Mbretëria e Bashkuar ka konfirmuar viktimën e dytë brenda vendit nga koronavirusi. Ai është një i moshuar tek të 80-tat, ndërkohë ka shkuar në 164 numri i të infektuarve. 45 prej rasteve të konfirmuara vijojnë të marrin trajtimin e tyre në shtëpi, dhe18 persona të tjerë janë rikuperuar.

Një shoqërues nga eskorta e Matteo Salvinit ka rezultuar pozitiv pas testimit të tij për koronavirus. Burime brenda partisë së Lega Nordit, kanë konfirmuar lajmin duke saktësuar se personi është një agjent i makinës së dytë që shoqëron makinën e ish-ministrit, çka tregon se ai nuk udhëtonte në të njëjtën makinë si sekretari i Ligës.

Shiitët konsiderohen heretikë nga fondamentalistët Suni, pra një objektiv legjitim i dhunës. Dhe në kontekstin e një fanatizmi të tillë, sulmi në Kabul tregon se pavarësisht nga marrëveshja që parashikon tërheqjen e trupave amerikane, paqja në Afganistan është akoma larg.

Sipas Ankarasë, janë rreth 138 mijë emigrantë që po ndeshen me forcat kufitare helene, policinë dhe ushtrinë teksa shumë prej tyre kanë mundur të futen në territorin grek dhe janë dyndur drejt vendeve të Bashkimit Europian, përmes kufirit bullgar dhe shtigjeve të rrezikshme.