Bota

24 shkurti shënon tre vjetorin e fillimit të sulmit rus në Ukrainë. Përvjetori vjen mes përpjekjesh ndërkombëtare që synojnë t'i japin fund konfliktit. Ndërsa presidenti Donald Trump po kritikon presidentit Volodymyr Zelenskyy, korrespondentja e VOA, Lesia Bakalets njofton nga Kievi për një studim që tregon se shumica e popullatës së Ukrainës mbështet Presidentin Zelenskyy dhe nuk dëshiron zgjedhje të reja presidenciale në kohë lufte.

Nga Berlini, ku jeton Spahiu theksoi për Albina Murataj se zgjedhjet e parakohshme në Gjermani kanë shënuar një pjesëmarrje të lartë, me 54% të votuesve që kanë hedhur votën e tyre deri në orën 14:00.

I dërguari i Presidentit Donald Trump për Lindjen e Mesme Steve Witkoff, tha të dielën se Shtetet e Bashkuara presin që faza e dytë e marrëveshjes së armëpushimit Izrael-Hamas të zbatohet dhe njoftoi se do të vizitojë Lindjen e Mesme javën e ardhshme.

Presidenti i Ukrainës, Volodymyr Zelensky, ka deklaruar se do të ishte i gatshëm të jepte dorëheqjen nga posti i tij nëse vendi i tij do të anëtarësohej në NATO.

Papa Françesku ka bërë të ditur se po vazhdon me besim trajtimin në Poliklinikën Gemelli, ku ndodhet i shtruar për shkak të një pneumonie bilaterale.

Në Bejrut mbahet funerali për ish-liderin e Hezbollahut, i vrarë nga forcat izraelit më 27 shtator të vitit të kaluar. Pjesëmarrja është masive, ndërsa lideri aktual dhe Ajatollah Kamenei u zotuan se lufta ndaj Izraelit nuk do të përfundojë kurrë. Telavivi thotë se pa Hasan Nasrallah, bota është një vend më i mirë.

Një aksident tragjik i ka marrë jetën një 19-vjeçari shqiptar në Itali mbrëmjen e djeshme. 3 automjete janë përfshirë në aksident, duke shkaktuar vdekjen e dy personave, përfshirë shqiptarin e identifikuar si Klajdi Malaj dhe 44-vjeçari italian, Filippo Nettis.