Ekonomi

Nga

Eliza Gjediku

Mbi 73 mijë persona kanë afat edhe 5 ditë për të dorëzuar Deklaratën Individuale të të Ardhurave. Drejtoria e Tatimeve thotë për Report TV, se detyrimin për të dorëzuar DIVA-n e kanë mbi 24 mijë persona që marrin mbi 2 milionë lekë në vit, dhe 49 mijë të tjerë që janë të dypunësuar. Kush nuk dorëzon DIVA-n, gjobitet dhe paguan interes e kamatëvonesën

Nga

Eliza Gjediku

Bumi turistik ka vijuar edhe në tre muajt e parë të vitit pasi vendi është vizituar nga plot 1.5 milionë të huaj, gati sa dyfishi i vitit të kaluar. Ky fluks turistësh, sipas institucioneve vendase po zhvlerëson valutat, pasi euro po këmbehet me 100.8 lekë dhe dollari ka zbritur në 93.9 lekë.

Banka Raiffeisen ka lançuar fondin e parë dhe të vetëm në treg “Raiffeisen Solid”, i cili ka në fokus në investime të qëndrueshme duke marrë parasysh kriteret mjedisore, shoqërore dhe qeverisëse. Për Raiffeisen ky është moment historik.

Pas llogaritjeve të tatimeve për parapagimin e tatimit te profesionet e lira, shumë prej këtyre bizneseve kanë nisur në tatime ankesat për rishikimin e kësteve dhe njohjen e shpenzimeve të zbritshme apriori, në masën 30%.

Nga

Eliza Gjediku

Afro 145 milionë euro janë shpenzuar nga buxheti i shtetit gjatë vitit të kaluar për të mbuluar deficitin në skemën e pensioneve, për shkak se kontributet e derdhura nga punonjësit nuk kanë mjaftuar për të paguar pensionistët. Nga ana tjetër ekspertët thonë se problemet e skemës po thellohen pasi plakja e popullsisë, informaliteti e numri i ulët i atyre që paguajnë sigurime po e dëmton edhe më shumë.

Sqarim mbi disa lajme, që kanë krijuar keqkuptime për Biznesin!

Nga

Eliza Gjediku

Në tre muajit e parë të vitit janë mbledhur më shumë se 1.6 miliardë euro të ardhura, duke u rritur me afro 76 milionë euro krahasuar me vjet. Ministria e Financave thotë se ndikim kryesor në këtë rritje kanë dhënë tatimet mbi pagat e kontributet. Në këtë periudhë ka rënë aktiviteti i bizneseve dhe nuk u realizuan parashikimet për të ardhurat doganore.

Nga

Eliza Gjediku

Mbi 38 milionë € kredi ka dhënë vjet sektori i mikrofinancës për sektorin bujqësor në vend. Presidentja e shoqatës Arlinda Muja tregon për Report TV se fermerët u drejtohen atyre për kredi për shkak të normave të favorshme të interesit, nuk kërkojnë kolateral dhe u caktojnë këste të favorshme për kthimin e huasë.

Çmimet e apartamenteve janë rritur por janë rritur dhe kërkesat për të marrë kredi në banka, ndërkohë që këta të fundit kanë forcuar kushtet dhe kriteret për dhënien e kredisë.

Të financuar nga qeveria shqiptare, për një periudhë 4-mujore, 300 qytetarët e përzgjedhur në Tiranë, Dibër dhe Përmet do të kryejnë pagesa të shpejta elektronike nëpërmjet telefonit të tyre, duke skanuar kodin QR të gjeneruar nga sistemi i fiskalizimit.

Ka shkuar në kuvend pr/ligji që mundëson trajtimin financiar të punonjësve dhe ish-punonjësve të Kombinatit Mekanik të Poliçan. Përfitues do të jenë 131 punonjës.

Panairi i Punës që është çelur sot në Fakultetin e Ekonomisë të Universitetit të Tiranës, ka sjellë rreth 70 kompanitë më të mëdha të biznesit pranë studentëve, duke u ofruar atyre mundësi punësimi

Më shumë se 71 mijë fermerë kanë aplikuar për Skemën Kombëtare të Mbështetjes në Bujqësi për vitin 2024. Ministria e Bujqësisë njofton se numri më i madh i aplikimeve ka qenë për të marrë naftën pa taksa, me mbi 54 mijë aplikime.

Autoriteti i Konkurrencës ka mbyllur monitorimin e tregut të autoshkollave, që ishte vendosur në mars të vitit të kaluar. Në përfundim të monitorimit, ka rezultuar se autoshkollat kanë zbatuar vendimin e Komisionit të Konkurrencës, që ndalonte rritjen e çmimeve, të parashikuar në një akt-marrëveshje të shkurtit 2023.

Detyrimin për dorëzimin elektronik të deklaratës e kanë individët rezidentë dhe jo rezidentë, që gjatë vitit 2023 kanë pagë bruto vjetore mbi 2,000,000 lekë apo ata, të cilët janë të dypunësuar, të paktën për një periudhë tatimore brenda vitit.

Prej mëngjesit të ditës së sotme deri në orën 17:00 faqja e deklarimeve tatimore e sistemit e-Filing nuk funksionoi për shkak të rënies së sistemit. Më pas nga Drejtoria e Tatimeve u konfirmua se gjithçka është në rregull.   

Nga

Eliza Gjediku

Brenda këtij viti do të nisë rehabilitimi i hekurudhës Vorë-Hani i Hotit, e cila do të përfundojë në vitin 2030, e do të kushtojë 373 milionë euro. Në projektligjin për marrjen e kredisë prej 98 mln euro nga BERZH, thuhet se hekurudha do të jetë elektrike, shkurton distancën Shqipëri-Mali i Zi në vetëm 2 orë dhe lidh vendin me ekonomitë e vendeve fqinje.

Nga

Eliza Gjediku

Shoqata e Ndërtuesve ka dërguar në Gjykatën Kushtetuese vendimin e qeverisë për rritjen e çmimeve të referencës në Tiranë, pasi e konsiderojnë si të papajtueshëm me Kushtetutën. Kjo padi e tyre do te shqyrtohet në një seancë publike nga Gjykata Kushtetuese me 18 qershor 2024.

Nga

Eliza Gjediku

Kërkesa për kredi për të blerë shtëpi është rritur në tremujorin e parë të këtij viti, por për shkak të çmimeve të larta të apartamenteve, bankat janë treguar më të kujdesshme në miratimin e huasë. Sipas Bankës së Shqipërisë, bankat në këtë periudhë kanë shtuar kërkesat për kolateral për qytetarët.