Lajme nga emisionet

Ish- deputeti i PD Fatbardh Kadilli u shpreh se Berisha duke qëndruar në krye të PD edhe pas humbjes në zgjedhje është duke penguar rotacionin politikë. Ai tha se Berisha nuk është më një alternativë përballë kryeministrit Edi Rama. Sipas tij, PD duhet që të bëjë edhe një analizë se pse humbi në zgjedhje

Duke komentuar vrasjen e 56-vjeçarit nga e bija në Fier, sociologu Tushi thotë së janë alarmante shifrat e krimit brenda familjes në shoqërinë shqiptare. Si shkak përmendi dobësimin e autoritetit të familjes dhe institucioneve të edukimit.

Besart Logu, zv.drejtues i Departamentit të Drejtësisë në PD, deklaroi se u kalua nga farsë zgjedhore në atë institucionale. Për avokaten Alesia Balliu, PD nuk fiton kurrë nëse në krye të kësaj partie është Sali Berishën. Balliu tha se Berisha duhet që të largohet nga drejtimi i partisë dhe duhet që të hapet gara brenda partisë.

Juristi Kreshnik Spahiu, tha se KQZ dhe PD ende nuk kanë dhënë asnjë informacion në lidhje me kontratën që PD ka paguar për këshilltarin elektoral të kësaj partie në zgjedhjet e 11 majit, Chris La Civita.

Deputeti i zgjedhur nga 11 maji i ‘Lëvizjes Bashkë’ përplasjet Lapaj-Shabani, i cilësoi si sherr për një mandat. I pyetur nëse atij i'u kërkua në ndonjë moment që të heq dorë nga marrja e mandatit të deputetit, ai u shpreh jo.

Me humbjen në zgjedhjet e 11 majit, për publicistin Namir Lapardhaja, kreu i Partisë Demokratike Sali Berisha nuk duhet që të jetë më në krye të PD, sipas statusit të kësaj partie. Ai tha se Berisha vijon që të kërkojë albi për humbjen në zgjedhje për të mos dhënë dorëheqjen.

Ergis Sefa parashikon edhe rënie të lehtë të çmimeve të banesave, por deri në 10%.

E premtja pritet të shënojë temperatura deri në 42 gradë. Meteorologia Gjoni theksoi se pritet të shënohet dita më e nxehtë deri më tani e kësaj vere. Të dielën temperaturat ulen pasi do të ketë reshje shiu.

Artur Selimaj, shef i Sektorit të Sigurisë Rrugore në Drejtorinë e Përgjithshme të Policisë së Shtetit, tregon për emisionin “Sot, Live në Shqipëri’, në Report Tv, problematikat rrugore, shkaqet e numrit të madh të aksidenteve dhe trafikut në Tiranë e zonën bregdetare

Rektori i UBT foli për ofertën e re akademike, prej 9 programesh të reja, që do të ofrojë ky universitet. Ai iu bëri thirrje të rinjve që të aplikojnë, ndërsa shtoi se programet janë të përshtatura me ato të universitetit të Vjenës. Oferta e re akademike, shtoi rektori, është përshtatur me nevojat e tregut të vendit.

Disa matje nga grup ekspertësh të pavarur në lumin Fan, tregojnë një situatë alarmante të ndotjes. Uji dhe toka poshtë fabrikës së bakrit në Fushë Arrëz është e ndotur rëndë. Rezultatet tregojnë prani të hekurit, 12 herë më të lartë se normat e BE, Po ashtu edhe plumbi dhe alumini janë përtej standardeve. Ekspertët që bënë analizat thanë në Report TV se këto norma të metaleve të rënda, rrezikojnë bimët dhe njerëzit, si dhe helmojnë ujërat nëntokësorë.

Avokati Rezart Kthupi, tha se akuza për futjen e sendeve të paligjshme, duhet që të ishte shmangur. Avokati Edmond Petraj tha se për sendet e paligjshme në burg nuk mund të hetohet i burgosuri.

Nga

Xhensila Nako

Në pikun e vapës del dhe punon në serë. Mungesa e fuqisë punëtore është sfida e radhës që po përballet këtë sezon.

Ministri i Mbrojtjes Pirro Vengu, u shpreh se pasditen e sotme, është shuar një vatër zjarri brenda parkut të Llogarasë e cila sipas tij ishte ndezur qëllimisht. Në një lidhje skype për Report Tv, ministri theksoi se na vatrat e zjarrit që kanë aktive nuk ka pasur rrezik për banesat. 

Avokati Hasani foli për listën e individëve të sanksionuar nga Britania e Madhe për trafik emigrantësh të paligjshëm, mes të cilëve është edhe një shqiptar. Avokati thotë se shqiptari drejtonte një grup trafiku emigrantësh nga Belgjika drejt Britanisë, ndërsa shtoi se pritet të ketë edhe emra të tjerë shqiptarë në listën e ‘non gratës’.