Kronikë

Garazhi i një pallati në Fushë-Krujë është përfshirë nga flakët mëngjesin e sotëm. Zjarri është  konstatuar rreth orës 4 të mëngjesit nga banorët e pallatit, të cilët të alarmuar nga tymi i madh kanë njoftuar menjëherë policinë dhe zjarrfikëset.

Fenomeni i prostitucionit në vendin tonë ka marrë përmasa shumë të mëdha dhe së fundmi është goditur një tjetër rast i kësaj veprimtarie. Në pranga ka rënë një 19-vjeçar, i cili shfrytëzonte vajza të moshave 18-25 vjeçe për prostitucion.

Nga

Artur Korriku

Zjarri në fabrikën e bojërave “Deutsch Color” në Maminas, fatmirësisht u shua plotësisht pa asnjë person të lënduar, por dëmet materiale llogariten të mëdha. Prokuroria e Durrësit ka nisur hetimet për të zbuluar se çfarë e shkaktoi zjarrin që për herë të parë e konstatoi nga brenda godinës së magazinimit, roja i sigurisë private. Paraprakisht dyshohet një shkëndije elektrike, por nuk përjashtohet edhe mundësia e një zjarrvënie të qëllimshme.

Një 54-vjeçar, pronar i një autobusi, u arrestua nga policia në pikën kufitare të Morinës, pasi në automjetin e tij u gjetën 15 kuti me medikamente të ndryshme me vlerë 15 mijë euro, që nuk i kishte deklaruar.

Qarku i Fierit u pushtua nga zjarret mbrëmjen e së shtunës, me 9 vatra, që veçse shkrumbuan qindra hektarë të mbjella e pyje, rrezikuan të bëheshin shkak për një tragjedi, që fatmirësisht u parandalua kur flakët po i afroheshin puseve të natës në Patos-Marinzë. Autorët rezultojnë të jenë disa të moshuar, që i vunë zjarrin tokave të tyre për të djegur mbeturina, por me pasojat që shkaktuan, rrezikojnë deri në 15 vite burg për zjarrvënie të qëllimshme.

Zjarri i përmasave të mëdha ka pushtuar këtë mbrëmjen fabrikën e bojërave 'Deutsch Color' në autostradën Tiranë-Durrës, në Maminas. Fabrika është në pronësi  të biznesmenit Luan Muça.

Në mesin e zjarrit te fabrika e bojërave 'Deutsch Color' në Maminas, autostrada Durrës-Tiranë është anuluar dhe një dasmë në një resort aty pranë. Dasmorët janë nxjerrë nga resorti dhe janë evakuar së bashku me banorët e zonës.